Adangal 1బి అడంగళ్ సమస్య పరిష్కరించండి
ABN, Publish Date - May 29 , 2025 | 10:55 PM
మండలంలో వివిధ బ్యాంకుల్లో వ్యవసాయ రుణాలు తీసుకున్న రైతులకు 1బి, అడంగళ్ సమస్య ఉందని, దాన్ని వెంటనే పరిష్కరించాలని రైతు సంఘం నాయకులు డిమాండ్ చేశారు.
ముదిగుబ్బ, మే 29(ఆంధ్రజ్యోతి): మండలంలో వివిధ బ్యాంకుల్లో వ్యవసాయ రుణాలు తీసుకున్న రైతులకు 1బి, అడంగళ్ సమస్య ఉందని, దాన్ని వెంటనే పరిష్కరించాలని రైతు సంఘం నాయకులు డిమాండ్ చేశారు. ఈ మేరకు గురువారం తహసీల్దార్ నారాయణస్వామికి వినతిపత్రం అందజేశారు. సీపీఎం నాయకుడు ఆటో పెద్దన్న మాట్లాడుతూ... బ్యాంకుల్లోని వ్యవసాయ రుణాలకు 1బి తో పాటు అడంగళ్ను బ్యాంకు అధికారులు అడుగుతున్నారని, వాటిని మంజూరు చేయడంలో రెవెన్యూ సిబ్బంది ప్రత్యేక చొరవ చూపాలని కోరారు. ఈ ఖరీఫ్ సీజన్లో వందలాది మంది రైతులు బ్యాంకుల్లో భూములను తాకట్టుపెట్టి రుణాలు తీసుకున్నారని, వాటిని కోసం ఇబ్బందులు పడుతున్నారని అన్నారు. ఈ కార్యక్రమంలో సీఐటీయూ మండల కార్యదర్శి బండల వెంకటేష్, ఆవాజ్ కమిటీ ప్రధాన కార్యదర్శి బాబ్జాన, రఫీ, బాబు పాల్గొన్నారు.
Updated Date - May 29 , 2025 | 10:55 PM
