Diabetes: మధుమేహం ఉన్నవారు పాలు తాగడం మంచిదేనా? నిపుణులు ఏమంటున్నారంటే..!
ABN, First Publish Date - 2023-02-24T15:52:54+05:30
ఒక గ్లాసు పాలు చాలా మంచిది, కానీ ఎక్కువ మొతాదులో పాలు తీసుకుంటే దుష్ప్రభావాలు ఉండవచ్చు.
పాలల్లో కాల్షియం, ప్రోటీన్, విటమిన్ డి పుష్కలంగా ఉంటాయి. వీటితోపాటు కొవ్వు, పిండి పదార్థాలు కూడా ఉన్నాయి, ఇవి రక్తంలో చక్కెరను పెంచుతాయి. కాబట్టి, మధుమేహ వ్యాధిగ్రస్తులు పాలు తాగడం ఎంతవరకూ సురక్షితం అనేది చూద్దాం. మధుమేహ వ్యాధిగ్రస్తులు సరైన ఆహారాన్ని తీసుకోవడం ద్వారా అనేక సమస్యలు రాకుండా చేస్తాయి. సమతుల్య ఆహారం, తక్కువ కొవ్వు, పీచు అధికంగా ఉండే ఆహారం ఎల్లప్పుడూ ఆరోగ్యానికి ప్రయోజనకరంగా ఉంటుంది, ఎందుకంటే ఇది రక్తంలో చక్కెర పెరుగుదలను నిరోధించడంలో సహాయపడుతుంది.
డయాబెటిస్లో పాలు తాగడం మేలేనా..
మధుమేహం ఉన్నవారికి పాలు నిజంగా ప్రయోజనకరమని వైద్యులు చెపుతున్నారు. వివిధ రకాల తృణధాన్యాల ఆహారాలు, ఆకు కూరలు, లీన్ ప్రొటీన్లు, గింజలు, విత్తనాలు అన్నీ మధుమేహానికి అనుకూలమైన ఆహారంలో భాగంగా తీసుకోవాలి. పాలలో రక్తంలో చక్కెర స్థాయిలను పెంచే కొవ్వులు ఉన్నాయని చెబుతారు, అయితే అదే సమయంలో, ఇందులో ప్రోటీన్, కాల్షియం, విటమిన్ డి వంటి ముఖ్యమైన పోషకాలు కూడా ఉన్నాయి, ఇవి వ్యాధిని నిర్వహించడంలో సహాయపడతాయి. మధుమేహం ఉన్నవారిలో వ్యాధిని తీవ్రతరం చేస్తాయనడానికి ఆధారాలు లేవు కానీ, ఇది టైప్ 2 మధుమేహం ఉన్నవారికి ప్రయోజనకరంగా ఉండవచ్చు. పాలు ముఖ్యంగా గర్భిణీ స్త్రీలకు, పెరుగుతున్న పిల్లలకు కాల్షియం అందిస్తుంది. కాబట్టి, పాలను తీసుకోవాలి.
మధుమేహం ఉన్నవారికి ఎంత పాలు అనువైనవి
పాలను ఎక్కువగా తీసుకోవడం మంచిది కాదు. ఒక గ్లాసు పాలు చాలా మంచిది, కానీ ఎక్కువ మొతాదులో పాలు తీసుకుంటే దుష్ప్రభావాలు ఉండవచ్చు. అంతేకాకుండా, లాక్టోస్ అసహనం ఉన్నవారు పాలని తీసుకుంటే విరేచనాల సమస్య ఉంటుంది. పాలు మధుమేహం, ఊబకాయం, మెటబాలిక్ సిండ్రోమ్ నుండి రక్షణగా డయాబెటాలజిస్ట్ చెపుతున్నారు.
Updated Date - 2023-02-24T15:53:03+05:30 IST