Karimnagar: లక్షలు తీసుకున్నావ్.. కేసు ఎందుకు పెట్టావ్.. సీఐకి వార్నింగ్..
ABN, Publish Date - Jan 23 , 2025 | 12:29 PM
కరీంనగర్: జమ్మికుంటలో ఫోన్ కాల్ ఆడియో ఒకటి వైరల్గా మారింది. ఓ సీఐ, మరో వ్యక్తికి సంబంధించి దాదాపు 10 నిమిషాల నిడివి ఉన్న ఆ వీడియో జిల్లావ్యాప్తంగా ఇప్పుడు చర్చనీయాంశంగా మారింది.
కరీంనగర్: జమ్మికుంటలో ఫోన్ కాల్ ఆడియో ఒకటి వైరల్గా మారింది. ఓ సీఐ, మరో వ్యక్తికి సంబంధించి దాదాపు 10 నిమిషాల నిడివి ఉన్న ఆ వీడియో జిల్లావ్యాప్తంగా ఇప్పుడు చర్చనీయాంశంగా మారింది. తనపై పెట్టిన అట్రాసిటీ కేసులో రూ.3 లక్షలు తీసుకుని కూడా ఎందుకు కేసు నమోదు చేశావంటూ సదరు వ్యక్తి సీఐని బెదిరించడం సంచలనంగా మారింది. కేసు విషయమైన తనను రక్షించాలని మీ వద్దకు వచ్చానని, మీరు చెప్పినట్లుగానే రూ.3 లక్షలు తీసుకొచ్చి పోలీస్ స్టేషన్ బాత్రూమ్లోని బకెట్లో పెట్టినట్లు ఆడియోలోని వ్యక్తి చెప్పారు. అయినా తనను రక్షించకుండా కేసు ఎందుకు నమోదు చేశావంటూ సీఐని సదరు వ్యక్తి దబాయించాడు.
బాత్రూమ్లో డబ్బులు పెట్టేటప్పుడు తాను వీడియో రికార్డు చేశానని, దాన్ని మీ ఉన్నతాధికారులు, మీడియాకు పంపిస్తానంటూ సీఐని హెచ్చరించాడు. కాపాడాలంటూ లక్షలు ఇచ్చినా కేసు పెట్టావంటూ సీఐతో వాగ్వాదానికి దిగాడు. సీఐ మాత్రం స్టేషన్కు రా.. అన్ని విషయాలు వివరంగా మాట్లాడుకుందామంటూ నెమ్మది స్వరంతో సమాధానం చెప్తున్నట్లు ఆడియో ద్వారా తెలుస్తోంది. ఈ సంభాషణకు సంబంధించిన ఆడియో తాజాగా బయటకు రాగా సంచలనం సృష్టిస్తోంది. సోషల్ మీడియాలో తెగ వైరల్గా మారింది. మరోవైపు ఈ ఆడియో వ్యవహారం డిపార్ట్మెంట్ ఉన్నతాధికారుల దృష్టికి వెళ్లినట్లు తెలుస్తోంది. వారు ఏ విధంగా స్పందిస్తారో వేడి చూడాల్సిందే.
ఈ వార్తలు కూడా చదవండి:
Danam Nagender: స్వరం మార్చిన ఎమ్మెల్యే.. ప్రభుత్వంపై ఫైర్.. అధికారులపై ఆగ్రహం..
RGV: డైరెక్టర్ రామ్గోపాల్ వర్మకు జైలు శిక్ష
Updated Date - Jan 23 , 2025 | 12:31 PM
