World Photography Day: ప్రపంచ ఫొటోగ్రఫీ దినోత్సవం సందర్భంగా ఆంధ్రజ్యోతి ఫొటోగ్రాఫర్లకి అవార్డుల పంట
ABN, Publish Date - Aug 18 , 2025 | 10:37 PM
ప్రపంచ ఫొటోగ్రఫీ దినోత్సవం సందర్భంగా ఏబీఎన్ ఆంధ్రజ్యోతి ఫొటోగ్రాఫర్లకి పలు అవార్డులు లభించాయి. అవార్డులు లభించడంతో తమ కృషికి తగిన ఫలితం లభించిందని ఫొటోగ్రాఫర్లు చెప్పుకొచ్చారు. ఈ అవకాశం కల్పించిన ఏబీఎన్ ఆంధ్రజ్యోతికి కృతజ్ఞతలు తెలిపారు.
ఆగస్టు 19వ తేదీన ప్రపంచ ఫొటోగ్రఫీ దినోత్సవం సందర్భంగా ఏబీఎన్ ఆంధ్రజ్యోతి పలు అవార్డులు సొంతం చేసుకుంది.
186వ ప్రపంచ ఫొటోగ్రఫీ దినోత్సవం సందర్భంగా ఐ అండ్ పీఆర్ శాఖ ఆధ్వర్యంలో అవార్డుల ప్రదానోత్సవం నిర్వహించారు.
పత్రికా విభాగంలో ఉత్తమ ఫొటోగ్రాఫర్ మొదటి బహుమతిని ఆర్. హరి ప్రేమ్ (చీఫ్ ఫొటోగ్రాఫర్ హైదరాబాద్) సొంతం చేసుకున్నారు.
చేయూత విభాగంలో ద్వితీయ బహుమతిని సిద్ధిపేట ఫొటోగ్రాఫర్ బాబురావు సొంతం చేసుకున్నారు.
వివిధ విభాగాల్లో ఏబీఎన్ ఆంధ్రజ్యోతి ఫొటోగ్రాఫర్లు ఎం.విజయ్ (నల్గొండ), వి.హరీష్ (వరంగల్), పి.అశోకుడు (హైదరాబాద్) ప్రోత్సాహక బహుమతులు సొంతం చేసుకున్నారు.
తెలంగాణ రాష్ట్ర ఫొటో జర్నలిస్టుల సంఘం ఏర్పాటు చేసిన పోటీలో ప్రోత్సాహక బహుమతులను ఎం.అనిల్, ఎ.జ్వాలా కోటేశ్వరరావు కైవసం చేసుకున్నారు.
Updated Date - Aug 23 , 2025 | 02:12 PM