ఈ ఫొటోలు చూస్తే మీ మనసు కరగడం పక్కా.. మోదీ ఇంటికి విశిష్ట అతిథి
ABN, Publish Date - Sep 14 , 2024 | 04:05 PM
ప్రధాని మోదీ ఇంట ఓ లేగదూడ జన్మించింది. ఆ అతిథిని ప్రేమగా ఆహ్వానించిన మోదీ.. శాలువా కప్పి, ప్రత్యేక పూజలు చేశారు.
ఇంటర్నెట్ డెస్క్: ప్రధాని మోదీ ఇంట ఓ లేగదూడ జన్మించింది. ఆ అతిథిని ప్రేమగా ఆహ్వానించిన మోదీ.. శాలువా కప్పి, ప్రత్యేక పూజలు చేశారు.
ఢిల్లీలోని లోక్ కళ్యాణ్ మార్గ్లోని ప్రధాని నివాసంలో ఉంటున్న ఆవు.. లేగదూడకు జన్మనిచ్చింది.
మొదటిసారి ఇంట్లోకి అడుగుపెట్టిన దూడకు మోదీ స్వాగతం పలికారు. దాన్ని దగ్గరికి తీసుకుని శాలువా కప్పి సన్మానించారు.
దేవీ విగ్రహం ఎదరుగా కూర్చున్న మోదీ.. దూడను పక్కనే పెట్టుకుని ప్రత్యేక పూజలు నిర్వహించారు.
అనంతరం తన ఒడిలో కూర్చోబెట్టుకుని ప్రేమగా నిమిరుతూ ముద్దు పెట్టారు. అంతేకాకుండా ఇంటి బయట గార్డెన్లో దూడతో చాలా సేపు ఆడుకున్నారు.
నుదుటి మీద తెల్లటి రేఖతో పుట్టింది కాబట్టి దానికి 'దీప్ జ్యోతి' అని పేరు పెట్టినట్లు వెల్లడించారు.
ఆ రేఖ కాంతికి చిహ్నమని అందుకే ఆ పేరు పెట్టినన్నారు. తన ఇంట కొత్త అతిథి రావడం సంతోషంగా ఉందని తెలిపారు.
సదరు వీడియోను మోదీ తన ఎక్స్ అకౌంట్లో షేర్ చేశారు. ఈ వీడియో ప్రస్తుతం నెట్టింట వైరల్ అవుతోంది.
Updated Date - Sep 14 , 2024 | 04:05 PM
