ABN: రాప్తాడులో ఆంధ్రజ్యోతి ఫొటోగ్రాఫర్‌పై వైసీపీ నేతల దాడి
ABN, Publish Date - Feb 18 , 2024 | 06:54 PM
జిల్లాలోని రాప్తాడులో ఆదివారం నాడు వైసీపీ(YSRCP) ‘‘సిద్ధం’’ సభ నిర్వహించింది. ఈ సభలో వైసీపీ నేతలు రెచ్చిపోయారు. ‘‘సిద్ధం’ పేరుతో వైసీపీ సభ నిర్వహించింది. ఈ సభలో ముఖ్యమంత్రి, వైసీపీ అధినేత జగన్ మోహన్‌రెడ్డి పాల్గొన్నారు.
అనంతపురం: జిల్లాలోని రాప్తాడులో ఆదివారం నాడు వైసీపీ(YSRCP) ‘‘సిద్ధం’’ సభ నిర్వహించింది. ఈ సభలో వైసీపీ నేతలు రెచ్చిపోయారు. ఈ సభలో ముఖ్యమంత్రి, వైసీపీ అధినేత జగన్ మోహన్‌రెడ్డి పాల్గొన్నారు. ఈ సభలో ఆంధ్రజ్యోతి ఫొటో గ్రాఫర్‌పై వైసీపీ శ్రేణులు విచక్షణ రహితంగా దాడి చేశాయి. ఈ సభకు జనం చాలా తక్కువగా వచ్చారు. జగన్మోహన్ రెడ్డి ప్రసంగించే సమయంలో ప్రజలు, వైసీపీ నేతలు వెళ్లిపోతున్నారని ఫొటోగ్రాఫర్ శ్రీకృష్ణ ఫొటోలు తీశారు. ఈ ఫొటోలను తీయడమే నేరం అన్నట్లుగా వైసీపీ నేతలు మూకుమ్మడిగా దాడి చేశారు. వైసీపీ కార్యకర్తల దాడిలో ఫొటోగ్రాఫర్ శ్రీకృష్ణ తీవ్రంగా గాయపడ్డారు. రాప్తాడు పోలీస్ స్టేషన్‌లో ఈ దాడిపై బాధితుడు ఫిర్యాదు చేశాడు. చికిత్స నిమిత్తం ఫొటోగ్రాఫర్ శ్రీకృష్ణను అనంతపురం ప్రభుత్వ ఆస్పత్రికి తరలించారు. ఈ ఘటనపై టీడీపీ - జనసేన పార్టీల్లోని నేతలు తీవ్ర ఆగ్రహం వ్యక్తం చేస్తున్నారు.
మరిన్ని ఏపీ వార్తల కోసం ఇక్కడ క్లిక్ చేయండి
Updated Date - Feb 18 , 2024 | 09:49 PM
