CM Jagan : వైఎస్సార్ ఆరోగ్య శ్రీ పరిమితి 25 లక్షలకు పెంపు
ABN, Publish Date - Dec 18 , 2023 | 02:46 PM
వైఎస్సార్ ఆరోగ్య శ్రీ ( YSR Arogya Sri ) పరిమితిని 25 లక్షలకు పెంచుతున్నట్లు ముఖ్యమంత్రి జగన్మోహన్రెడ్డి ( CM JAGAN ) ప్రకటించారు. సోమవారం నాడు తాడేపల్లి క్యాంప్ కార్యాలయంలో జిల్లా కలెక్టర్లతో సీఎం జగన్ వీడియో కాన్ఫరెన్స్ నిర్వహించారు. ఈ కార్యక్రమంలో పలు కీలక అంశాలపై చర్చించారు. ప్రధానంగా ఆరోగ్య శ్రీపై అవగాహన, పథకాన్ని 25 లక్షలకు పెంచడం, రోగులకు ఆరోగ్య శ్రీని దగ్గరకు చేర్చడం.. ఇంకా పలు వైద్యానికి చెందిన అంశాలపై సీఎం చర్చించారు.
అమరావతి: వైఎస్సార్ ఆరోగ్య శ్రీ ( YSR Arogya Sri ) పరిమితిని 25 లక్షలకు పెంచుతున్నట్లు ముఖ్యమంత్రి జగన్మోహన్రెడ్డి ( CM JAGAN ) ప్రకటించారు. సోమవారం నాడు తాడేపల్లి క్యాంప్ కార్యాలయంలో జిల్లా కలెక్టర్లతో సీఎం జగన్ వీడియో కాన్ఫరెన్స్ నిర్వహించారు. ఈ కార్యక్రమంలో పలు కీలక అంశాలపై చర్చించారు. ప్రధానంగా ఆరోగ్య శ్రీపై అవగాహన, పథకాన్ని 25 లక్షలకు పెంచడం, రోగులకు ఆరోగ్య శ్రీని దగ్గరకు చేర్చడం.. ఇంకా పలు వైద్యానికి చెందిన అంశాలపై సీఎం చర్చించారు. ఈ కార్యక్రమంలో వైద్యారోగ్య శాఖ మంత్రి విడుదల రజిని సంబంధిత శాఖ ఉన్నతాధికారులు పాల్గొన్నారు. ఈ సందర్భంగా సీఎం జగన్ మాట్లాడుతూ...‘‘వైద్యం కోసం ఏ పేదవాడు అప్పలు పాలవ్వద్దు. ఆరోగ్యశ్రీని ఎప్పుడూ లేని విధంగా మరో ముందడుగుకి శ్రీకారం చుట్టాం’’ అని సీఎం జగన్రెడ్డి చెప్పారు.
ఆరోగ్య శ్రీ సేవలను మరింత విస్తరించేలా చర్యలు
‘‘వైఎస్సార్ ఆరోగ్య శ్రీపై ప్రతి ఇంటికి వెళ్లి అవగాహన కల్పిస్తాం. ఆరోగ్యశ్రీ పై రోగికి ఉన్న ప్రతి డౌట్ను క్లియర్ చేస్తూ ప్రతి ఇంటికి వెళ్లి కార్డులు పంపిణీ చేస్తాం. ప్రభుత్వం అధికారంలోకి వచ్చాక ఆరోగ్యశ్రీ పరిధిలోకి వీలున్నంత ఎక్కువ కుటుంబాలను తీసుకురావాలనుకున్నాం. వైసీపీ ప్రభుత్వం అధికారంలోకి రాకముందు 1059 ప్రోసీజర్స్ ఆరోగ్య శ్రీ ఉండేది. మా ప్రభుత్వం అధికారంలోకి వచ్చాక వెయ్యి రూపాయలు చికిత్స ఖర్చు దాటితే ఆరోగ్య శ్రీలోకి తీసుకువచ్చాం. ఉచిత ఆరోగ్య శ్రీ సేవలను మరిన్ని ఆస్పత్రులకు విస్తరించాం. ఆరోగ్య శ్రీ, ఆరోగ్య ఆసరా కింద సంవత్సారానికి 4100 కోట్లు ఖర్చు చేస్తున్నాం. ఒక్క కేన్సర్కే 1900 కోట్లు ఖర్చు చేశాం. 108, 104 వాహనాలు గతంలో వచ్చేవి కావు. ఇప్పుడు వాటిని పూర్తిస్థాయిలో అందుబాటులోకి తీసుకువచ్చాం’’ అని సీఎం జగన్రెడ్డి తెలిపారు.
Updated Date - Dec 18 , 2023 | 02:59 PM
