SA vs Eng: చేతులెత్తేసిన ఇంగ్లండ్ బ్యాటర్లు.. దక్షిణాఫ్రికా టార్గెట్ 180..
ABN, Publish Date - Mar 01 , 2025 | 05:35 PM
చివరి మ్యాచ్లోనైనా గెలిచి గౌరవప్రదంగా ఛాంపియన్స్ ట్రోఫీకి వీడ్కోలు పలుకుదామనుకున్న ఇంగ్లండ్కు దక్షిణాఫ్రికా బౌలర్లు షాకిచ్చారు. స్వల్ప స్కోరుకే ఇంగ్లండ్ను పెవిలియన్కు చేర్చారు. ఛాంపియన్స్ ట్రోఫీలో భాగంగా దక్షిణాఫ్రికాతో జరుగుతున్న మ్యాచ్లో ఇంగ్లండ్ జట్టు 38.2 ఓవర్లలో 179 పరుగులకే ఆలౌటైంది.
చివరి మ్యాచ్లోనైనా గెలిచి గౌరవప్రదంగా ఛాంపియన్స్ ట్రోఫీకి వీడ్కోలు పలుకుదామనుకున్న ఇంగ్లండ్కు దక్షిణాఫ్రికా బౌలర్లు షాకిచ్చారు. స్వల్ప స్కోరుకే ఇంగ్లండ్ను పెవిలియన్కు చేర్చారు. ఛాంపియన్స్ ట్రోఫీలో భాగంగా దక్షిణాఫ్రికాతో జరుగుతున్న మ్యాచ్లో ఇంగ్లండ్ జట్టు 38.2 ఓవర్లలో 179 పరుగులకే ఆలౌటైంది. గ్రూప్-బికి సంబంధించి జరుగుతున్న చివరి మ్యాచ్లో (SA vs Eng) టాస్ గెలిచి బ్యాటింగ్ ఎంచుకున్న ఇంగ్లండ్ను దక్షిణాఫ్రికా బౌలర్లు బెంబేలెత్తించారు. ఇప్పటికే ఆస్ట్రేలియా, అఫ్గాన్తో జరిగిన మ్యాచ్ల్లో ఇంగ్లండ్ ఓటమి పాలై టోర్నీ నుంచి నిష్క్రమించింది. ఈ మ్యాచ్లోనైనా విజయం సాధించాలని బరిలోకి దిగిన ఇంగ్లండ్ ఆశలు ఫలించేలా కనిపించడం లేదు. (Champions Trophy 2025).
దక్షిణాఫ్రికా బౌలర్ మార్కో జాన్సన్ విజృంభించడంతో ఇంగ్లండ్ టాపార్డర్ తడబడింది. ఫిల్ సాల్ట్ (8), జేమీ స్మిత్ (0), ఓపెనర్ బెనె డకెట్ (24)లను జాన్సన్ పెవిలియన్కు పంపించాడు. ఆ తర్వాత జో రూట్ (37), హ్యారీ బ్రూక్ (19)తో కలిసి కాసేపు వికెట్ల పతనాన్ని అడ్డుకున్నాడు. ఆ తర్వాత రూట్, బ్రూక్ స్వల్ప వ్యవధిలోనే అవుటయ్యారు. జాస్ బట్లర్ (21), జోఫ్రా ఆర్చర్ (25) చెప్పుకోదగ్గ పరుగులు చేశారు. మిగిలిన వారు పెద్దగా రాణించలేదు. దక్షిణాఫ్రికా బౌలర్లలో మార్కో జాన్సన్, ముల్దర్ మూడేసి వికెట్లు తీశారు. కేశవ్ మహారాజ్ రెండు వికెట్లు పడగొట్టాడు. ఎంగిడి, రబాడా ఒక్కో వికెట్ పడగొట్టారు.
ఇంగ్లండ్ జట్టుకు కెప్టెన్గా జోస్ బట్లర్కు ఇదే చివరి మ్యాచ్. ఈ మ్యాచ్ తర్వాత కెప్టెన్సీని వదిలేస్తానని రూట్ ఇప్పటికే ప్రకటించాడు. వరుస రెండు మ్యాచ్ల్లోనూ ఓడి ఇంగ్లండ్ ఇప్పటికే టోర్నీ నుంచి నిష్క్రమించింది. కాగా, ఛాంపియన్స్ ట్రోఫీలో మూడు సెమీస్ బెర్త్లు ఇప్పటికే కన్ఫామ్ అయిపోయాయి. గ్రూప్-ఎ నుంచి భారత్, న్యూజిలాండ్ సెమీస్ చేరుకున్నాయి. గ్రూప్-బి నుంచి ఆస్ట్రేలియా సెమీస్ బెర్త్ కన్ఫామ్ చేసుకుంది. నెట్ రన్రేట్ ప్రకారం దక్షిణాఫ్రికా సెమీస్ బెర్త్కు చేరువలో ఉంది.
ఇవి కూడా చదవండి..
ఒంటికాలిపై సిక్సులు.. ధోని ప్రిపరేషన్ మామూలుగా లేదు
రోహిత్తో పాటు అతడు మిస్.. ప్లేయింగ్ 11 ఇదే..
మరిన్ని క్రీడా, తెలుగు వార్తల కోసం క్లిక్ చేయండి
Updated Date - Mar 01 , 2025 | 05:36 PM
