Mirror Checking: మీకు పదే పదే అద్దం చూసుకునే అలవాటు ఉందా.. ఇది తెలుసుకోండి..
ABN, Publish Date - Feb 04 , 2025 | 03:23 PM
మీకు తరచుగా అద్దం చూసుకునే అలవాటు ఉందా? అయితే, పదే పదే అద్దం చూసుకోవడం ఆరోగ్యానికి మంచిది కాదని నిపుణులు చెబుతున్నారు. పలు సమస్యలు వస్తాయని అంటున్నారు. అవెంటో ఇప్పుడు తెలుసుకుందాం..
Mirror Checking Constantly: అద్దంలో చూసుకోవడం ఎవరికి మాత్రం ఇష్టం ఉండదు..కొంతమంది ఉదయం నిద్ర లేచిందే మొదలు ముందుగా అద్దంలో ముఖం చూసుకుంటారు. తర్వాత మళ్లీ ఫేస్ వాష్ చేసుకున్నాక అద్దం చూసుకుంటారు. ఆ తర్వాత మళ్లీ రెడీ అయ్యే సమయంలో, తల దువ్వుకునే సమయంలో ఇలా తరచుగా అద్దం చూసుకుంటునే ఉంటారు. ఇంకొంత మంది అమ్మాయిలు తమ పర్సులో ఎక్కడికి వెళ్లినా అద్దం ఉండేలా చూసుకుంటారు. రాత్రి సమయంలో కూడా ఫేస్ వాష్ చేసుకున్నాక పలుసార్లు ముఖాన్ని చూసుకోవడం అలవాటు ఉంటుంది. అయితే, ఇలా ఎక్కువసార్లు అద్దంలో ముఖం చూసుకోవడం మంచిది కాదని నిపుణులు చెబుతున్నారు.
అద్దంలో ఎక్కువగా ముఖం చూసుకునే వారికి మిర్రర్ చెకింగ్ సమస్య ఉంటుందని చెబుతున్నారు. దీని కారణంగా మీ ప్రవర్తన కూడా ప్రభావితమవుతుంది. ఇది మీ శరీర డిస్మోర్ఫిక్ డిజార్డర్ (BDD)కి సంబంధించినది. ఇది ఒక రకమైన మానసిక ఆరోగ్య సమస్య. అద్దంలో పదే పదే చూసుకోవడం అనేది ఒక నిర్దిష్ట రకమైన రుగ్మతకు సంబంధించినది. మీరు మీ శరీరాన్ని పదే పదే అద్దంలో చూసుకుంటే, అది మీ మెదడుకు సంబంధించిన మానసిక అనారోగ్యం కావచ్చు. ఈ వ్యాధిని OCD స్పెక్ట్రమ్ డిజార్డర్ అంటారు. జుట్టును పదే పదే రుద్దడం, గోకడం లేదా విరగడం కూడా ఒక నిర్దిష్ట రకమైన రుగ్మత కావచ్చు.
అద్దంలో మళ్ళీ మళ్ళీ చూసుకోవడం ఈ వ్యాధి లక్షణం.
అద్దంలో మిమ్మల్ని మీరు పదే పదే చూసుకోవడం వల్ల మీలో ప్రతికూల ఆలోచనలు వస్తాయి. అది మానసిక అనారోగ్యం రూపంలోకి మారుతుంది. అలాంటి వ్యక్తులు క్రమంగా సమాజం నుండి ఒంటరిగా ఉండటం ప్రారంభిస్తారు. క్రమంగా కుటుంబ సభ్యులకు, స్నేహితులకు దూరమవుతారు. ఎందుకంటే వారు తమకు చాలా శారీరక లోపాలు ఉన్నాయని భావిస్తారు. కొన్నిసార్లు ఈ రుగ్మత చాలా తీవ్రంగా మారుతుంది. కాబట్టి, తరచుగా అద్దం చూడటాన్ని ఆపేయాలని నిపుణులు సూచిస్తున్నారు.
Also Read: మీకు తరచు ఆకలిగా అనిపిస్తుందా.. కారణం ఇదే..
Updated Date - Feb 04 , 2025 | 04:23 PM
