Karimnagar: చెట్టు దిగిన ఎలుగుబంటి... ఆ వెంటనే
ABN, First Publish Date - 2024-02-06T12:48:52+05:30
Telangana: జిల్లాలోని మానుకొండురులో ‘‘ఆపరేషన్ ఎలుగుబంటి’’ కొనసాగుతోంది. చెట్టు ఎక్కిన ఎలుగుబంటిని కిందికి దింపేందుకు అటవీ అధికారులు విశ్వప్రయత్నాలు చేశారు. చివరకు ఎలుగుబంటి తనకు తానే చెట్టు దిగి పక్కనే ఉన్న పొదల్లోకి పారిపోయింది.
కరీంనగర్, ఫిబ్రవరి 6: జిల్లాలోని మానుకొండురులో ‘‘ఆపరేషన్ ఎలుగుబంటి’’ కొనసాగుతోంది. చెట్టు ఎక్కిన ఎలుగుబంటిని కిందికి దింపేందుకు అటవీ అధికారులు విశ్వప్రయత్నాలు చేశారు. చివరకు ఎలుగుబంటి తనకు తానే చెట్టు దిగి పక్కనే ఉన్న పొదల్లోకి పారిపోయింది. దీంతో ఎలుగుబంటికి మత్తు ఇచ్చి పట్టుకునేందుకు అధికారులు ముమ్మరంగా ప్రయత్నిస్తున్నారు.
కాగా... మానుకొండూరులో ఎలుగుబంటి సంచారంతో ప్రజలు బెంబేలెత్తిపోయారు. ఈరోజు (మంగళవారం) తెల్లవారుజామున భల్లూకం గ్రామంలో ఓ భారీ చెట్టుపైకి ఎక్కి కూర్చుంది. విషయం తెలుసుకున్న అధికారులు దాన్ని బంధించేందుకు అనేక ప్రయత్నాలు చేశారు. వరంగల్ నుంచి వచ్చిన రెస్క్యూ టీమ్ ఎలుగుబంటిని బంధించేందుకు చర్యలు తీసుకుంది. చెట్టు చుట్టూ భారీ వలలు ఏర్పాటు చేశారు. కాసేపట్లో ఎలుగుబంటికి మత్తు ఇంజక్షన్ ఇస్తారనగా.. ఆలోపే అది చెట్టు దిగి పొదల్లోకి పారిపోయింది. వలలు సిద్ధం చేసిన తర్వాత భల్లూకం చెట్టు దిగి వెళ్లిపోవడంతో స్థానికులు తీవ్ర భయాందోళనకు గురవుతున్నారు. చెట్టు దిగి పొలాల మధ్య పరుగులంకించుకున్న భల్లూకం అలకిలోమీటర్ వరకు పరిగెత్తి.. పక్కనే ఉన్న పొదల్లోకి వెళ్లిపోయింది. మరోవైపు ఎలుగుబంటికి ఎలాగైన మత్తు ఇచ్చేందుకు అధికారులు యత్నిస్తున్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి...
Updated Date - 2024-02-06T12:48:54+05:30 IST