ఒకే చెట్టుకు 12 రకాల మామిడి కాయలు
ABN, Publish Date - May 23 , 2024 | 01:06 AM
విశాఖపట్నం జిల్లా పద్మనాభం మండలం బాందేవుపురం గ్రామంలో మాజీ సర్పంచ్ సాగి కృష్ణమూర్తిరాజు ఇంటి పెరటిలో ఉన్న మామిడి చెట్టుకు 12 రకాల కాయలు కాశాయి.
పద్మనాభం, మే 22: విశాఖపట్నం జిల్లా పద్మనాభం మండలం బాందేవుపురం గ్రామంలో మాజీ సర్పంచ్ సాగి కృష్ణమూర్తిరాజు ఇంటి పెరటిలో ఉన్న మామిడి చెట్టుకు 12 రకాల కాయలు కాశాయి. రైతు అయిన ఆయన తన పొలాల్లో పలు రకాల మామిడి చెట్లు పెంచుతున్నారు. ఒకే చెట్టుకు అంటు కట్టే విధానంలో పలు రకాల మామిడి కాయలు కాచేవిధంగా చేస్తే ఎలా ఉంటుందని ఆలోచించి, 12 ఏళ్ల క్రితం తన ఇంటి ఆవరణలో పరియా మామిడి మొక్క వేశారు. ఆ మొక్కకు ఏడేళ్ల క్రితం ఏకంగా 12 రకాల అంట్లు కట్టించారు. ఈ విధంగా కట్టించిన అంట్లు సత్ఫలితాలు ఇవ్వడంతో ఆ చెట్టుకు పన్నూరు మామిడి, ఇమాపసంద్, చెరుకు రసాలు, సువర్ణ కలశ, బంగినపల్లి, దొండకాయ, సువర్ణరేఖ, కొత్తపల్లి కొబ్బరి, దశేరి తదితర రకాల కాయలు కాస్తున్నాయి. తన ఇంట్లో వినియోగించుకోవడానికి ఈ చెట్టుకు ఈ విధంగా అంట్లు కట్టించినట్టు రైతు కృష్ణమూర్తిరాజు తెలిపారు.
Updated Date - May 23 , 2024 | 01:06 AM
