సెల్‌ టవర్‌ నిర్మాణాన్ని నిలుపుదల చేయండి
ABN, Publish Date - Apr 26 , 2024 | 11:43 PM
అనుమతులు లేకుండా గ్రామ సమీపం లో ఓ ప్రైవేట్‌ సెల్‌ కంపెనీ టవర్‌ ఏర్పాటుకు పనులు చేపడుతోందని, వీటిని నిలుపుదల చేయాలని జోనంకి గ్రామస్థులు డిమాండ్‌ చేశారు. ఈ మేరకు శుక్రవారం పనుల వద్ద నిరసన తెలిపారు.
జోనంకి గ్రామస్థుల ఆందోళన
జలుమూరు: అనుమతులు లేకుండా గ్రామ సమీపం లో ఓ ప్రైవేట్‌ సెల్‌ కంపెనీ టవర్‌ ఏర్పాటుకు పనులు చేపడుతోందని, వీటిని నిలుపుదల చేయాలని జోనంకి గ్రామస్థులు డిమాండ్‌ చేశారు. ఈ మేరకు శుక్రవారం పనుల వద్ద నిరసన తెలిపారు. గ్రామంలో 150 కుటుంబాల వారం నివసిస్తున్నామని, నివాసాల నడుమ టవర్‌ ఏర్పాటు వల్ల అనారోగ్యం బారిన పడే అవకాశం ఉందని ఆందోళన వ్యక్తం చేశారు. కూలి పనులు చేసి జీవనం సాగిస్తున్న మా ఆరో గ్యాన్ని దృష్టిలో ఉంచుకుని అధికారులు స్పందించి టవర్‌ పనులను నిలుపుదల చేయాలని కోరారు. సమాచారం తెలుసుకున్న పంచాయతీ కార్యదర్శి సరోజిని వచ్చి పనులు నిలుపుదల చేయాలని టవర్‌ నిర్మాణ ప్రతినిధికి ఆదేశించారు.
Updated Date - Apr 26 , 2024 | 11:43 PM
