Viral Video: ప్రియురాలితో కలిసి హోటల్‌కి వెళ్లిన వ్యక్తి.. సడన్‌గా లోపలికి దొంగ రావడంతో ఏం జరిగిందంటే..
ABN, First Publish Date - 2023-01-14T15:46:23+05:30
ఓ వ్యక్తి తన ప్రియురాలిని తీసుకుని హోటల్‌కి వెళ్తాడు. ఇద్దరూ సరదాగా మాట్లాడుకుంటూ ఉంటారు. పక్కనే మరో ప్రేమ జంట కూడా కూర్చుని ఉంటుంది. కాసేపటి తర్వాత..
చాలా మంది ప్రియురాలి విషయంలో ఏం చేయడానికైనా వెనుకాడరు. ప్రేయసి అడిగింది ఇవ్వడంతో పాటూ వారికి చిన్న కష్టం రాకుండా చూసుకుంటుంటారు. అయితే కొందరు మాత్రం తమ స్వార్థాన్ని తాము చూసుకుంటూ ఉంటారు. పైపై ప్రేమ నటిస్తూ చివరకు దారుణంగా మోసం చేస్తుంటారు. ఇక వారికి ఏదైనా కష్టం వస్తే .. కన్నెత్తి కూడా చూడని పరిస్థితి ఉంటుంది. ప్రస్తుతం వైరల్ అవుతున్న వీడియోనే ఇందుకు నిదర్శనం. ఓ వ్యక్తి ప్రియురాలితో కలిసి హోటల్‌కి వెళ్తాడు. కాసేపటి తర్వాత సడన్‌గా ఓ దొంగ లోపలికి వస్తాడు. దీంతో అప్పటిదాకా ప్రియురాలితో ఉన్న వ్యక్తి.. చివరకు ఏం చేశాడంటే..
సోషల్ మీడియాలో ఓ వీడియో వైరల్ (Viral videos) అవుతోంది. ఓ వ్యక్తి తన ప్రియురాలిని (girlfriend) తీసుకుని హోటల్‌కి వెళ్తాడు. ఇద్దరూ సరదాగా మాట్లాడుకుంటూ ఉంటారు. పక్కనే మరో ప్రేమ జంట (lovers) కూడా కూర్చుని ఉంటుంది. కాసేపటి తర్వాత ఓ దొంగ (thief).. సడన్‌గా లోపలికి వస్తాడు. పక్కన ఉన్న ప్రేమ జంట వద్దకు వెళ్లి.. బ్యాగులోంచి తుపాకీ (gun) బయటికి తీసి వారికి గురి పెడతాడు. దీన్ని గమనించిన పక్కన ఉన్న వ్యక్తి తన ప్రేయసిని అక్కడే వదిలేసి పారిపోతాడు. అయినా ఆమె భయపడకుండా ధైర్యంగా కూర్చుని ఉంటుంది.
పక్కన ఉన్న వారికి తుపాకీ గురి పెట్టగానే.. కూర్చున్న వ్యక్తి పైకి లేచి నిలబడతాడు. తర్వాత అతడి పర్సును తీసుకుని అక్కడి నుంచి వెళ్లిపోతాడు. షాపు యజమాని దొంగను హెచ్చరించినా కూడా పట్టించుకోకుండా అక్కడి నుంచి వెళ్లిపోతాడు. దొంగను చూసి పారిపోయిన ప్రేమికుడు మాత్రం మళ్లీ తిరిగి లోపలికి రాడు. దీంతో ప్రియురాలు అతడి కోసం వెతుకుతుంది. కానీ అతడు మాత్రం కనిపించడు. ఈ వీడియో చూసిన నెటిజన్లు వివిధ రకాలుగా స్పందిస్తున్నారు. ఇలాంటి పిరికివాడిని ఎక్కడా చూడలేదంటూ కొందరు.. ఆమె ధైర్యాన్ని మెచ్చుకుంటూ మరికొందరు కామెంట్లు పెడుతున్నారు.
Updated Date - 2023-01-14T15:46:31+05:30 IST