Vistara Flight: విస్తారా విమానంలో ఇటలీ మహిళ రచ్చ రచ్చ చేసిందిగా..!
ABN, First Publish Date - 2023-02-01T07:47:15+05:30
అబూదాబీ నుంచి ముంబై వచ్చిన విస్తారా విమానంలో ఇటలీకి చెందిన ఓ మహిళ(45) వీరంగం సృష్టించింది.
తిట్టి.. కొట్టి.. విమానంలో సిబ్బందిపై ఉమ్మేసి..!
ముంబై, జనవరి 31: అబూదాబీ నుంచి ముంబై వచ్చిన విస్తారా విమానంలో ఇటలీకి చెందిన ఓ మహిళ(45) వీరంగం సృష్టించింది. ఎకానమీ క్లాస్‌ టికెట్‌ కొని విమానం ఎక్కిన ఆమె బిజినెస్ క్లాసులో కూర్చుంటానని పట్టుబట్టింది. అడ్డుకున్న సిబ్బందిని అసభ్య పదజాలంతో దూషించింది. ఒకరిపై ఉమ్మేసింది. మరొకరిని కొట్టింది. విమానంలో మిగతా సిబ్బంది ఆమెను అడ్డుకోవడానికి ప్రయత్నించగా.. ఆ ప్రయాణికురాలు తన దుస్తులు ఒక్కోటి విప్పేస్తూ విమానంలో సీట్ల మధ్య అటూ ఇటూ తిరగనారంభించింది. సోమవారం ఈ ఘటన జరిగింది. ముంబైలో విమానం ల్యాండ్‌ అయిన వెంటనే సిబ్బంది ఆ ప్రయాణికురాలిని పోలీసులకు అప్పగించారు.
Updated Date - 2023-02-01T07:47:16+05:30 IST