డ్రాయింగ్ బుక్
ABN, Publish Date - Feb 24 , 2025 | 12:48 AM
దశాబ్దాల క్రితం బాల్యంలో బ్రష్ను ముంచి డ్రాయింగ్ బుక్లో పచ్చని చెట్లూ గుట్టలూ ఆ పక్క ప్రవహిస్తున్న నదీ...
దశాబ్దాల క్రితం
బాల్యంలో బ్రష్ను ముంచి
డ్రాయింగ్ బుక్లో
పచ్చని చెట్లూ గుట్టలూ
ఆ పక్క ప్రవహిస్తున్న నదీ
అందంగా గీసాను
అంతా మెచ్చుకున్నారు
ఇవ్వాళ ఇంట్లో దేనికోసమో
అటక మీదినుంచి
దుమ్ముపట్టిన ఓ పాత ముల్లె తీశాను
విప్పి చూద్దును కదా
అందులో నా చిన్నప్పటి
పాత డ్రాయింగ్ బుక్ కనబడింది
ఉత్సాహంగా పేజీ తిప్పాను
ఎండిపోయిన చెట్లూ
కరిగిపోయిన గుట్టలూ
ఆ పక్కనే పారుతున్న
కన్నీళ్ళూ కనిపించాయి
నా ముఖం వాడిపోయింది
వారాల ఆనంద్
For Telangana News And Telugu News
Updated Date - Feb 24 , 2025 | 12:48 AM
