Republic Day: ఢిల్లీలో ఘనంగా 75వ గణతంత్ర దినోత్సవ వేడుకలు
ABN, Publish Date - Jan 26 , 2024 | 01:19 PM
న్యూఢిల్లీ: 75వ గణతంత్ర దినోత్సవ వేడుకలు శుక్రవారం ఉదయం ఢిల్లీలోని కర్తవ్య పథ్లో ఘనంగా ప్రారంభమయ్యాయి. రాష్ట్రపతి ద్రౌపది ముర్ము జాతీయ జెండా ఆవిష్కరించి పరేడ్‌ను ప్రారంభించారు. ఈ కార్యక్రమంలో ప్రధాని మోదీ, కేంద్ర మంత్రులు రాజ్‌నాథ్ సింగ్, అమిత్ షా, నిర్మల సీతారామన్, కిషన్ రెడ్డి తదితరులు పాల్గొన్నారు. అలాగే ఈ వేడులకు ఫ్రాన్స్ అధ్యక్షుడు ఇమ్మాన్యుయెల్ మాక్రాన్ హాజర్యారు. ఈ వేడుకల్లో భాగంగా సాంస్కృతిక ప్రదర్శనలు అందరినీ ఆకట్టుకున్నాయి.
75వ గణతంత్ర దినోత్సవ వేడుకల సందర్భంగా ఢిల్లీలోని కర్తవ్య పథ్లో రాష్ట్రపతి ద్రౌపది ముర్ము జాతీయ జెండా ఆవిష్కరించి సెల్యూట్ చేస్తున్న దృశ్యం.
ఢిల్లీలోని కర్తవ్య పథ్లో జరిగిన 75వ గణతంత్ర దినోత్సవ వేడుకల్లో ప్రధానమంత్రి నరేంద్రమోదీతొ పాటు పాల్గొన్న కేంద్ర మంత్రులు..
ఢిల్లీలో రిపబ్లిక్ డే వేడుకల్లో పాల్గొన్న ఫ్రాన్స్ అధ్యక్షుడు ఇమ్మాన్యుయెల్ మాక్రాన్..ఇంకా రాష్ట్రపతి ద్రౌపది ముర్ము, ప్రధాని నరేంద్ర మోదీ, కేంద్ర మంత్రి రాజ్‌నాథ్ సింగ్ తదితరులు..
ఢిల్లీలోని కర్తవ్య పథ్లో జరుగుతున్న రిపబ్లిక్ డే- వేడుకల్లో భాగంగా ఏర్పాటు చేసిన సాంస్కృతిక ప్రదర్శనలు ఆసక్తిగా తిలకిస్తున్న ప్రధాని మోదీ, ఫ్రాన్స్ అధ్యక్షుడు ఇమ్మాన్యుయెల్ మాక్రాన్..
ఢిల్లీలోని కర్తవ్య పథ్లో జరుగుతున్న రిపబ్లిక్ డే- వేడుకల్లో సైనికులు కవాతు నిర్వహిస్తున్న దృశ్యం.
75వ గణతంత్ర దినోత్సవ వేడుకల్లో అందరినీ ఆకట్టుకుంటున్న అయోధ్య బాలరాముడి శకటం.. ముందు భాగం రామ్ లల్లా చిన్ననాటి రూపం..
ఢిల్లీలోని కర్తవ్య పథ్లో వార్ మెమోరియల్ దగ్గర అమరవీరులకు పుష్పగుచ్ఛములుంచి నివాళులర్పిస్తున్న ప్రధానమంత్రి నరేంద్రమోదీ.
75వ గణతంత్ర దినోత్సవ పరేడ్‌ కార్యక్రమంలో పాల్గొన్న కేంద్రమంతి కిషన్ రెడ్డి, ఇతర ముఖ్య నేతలు..
Updated Date - Jan 26 , 2024 | 01:19 PM
