Google: అలర్ట్.. గూగుల్ కీలక నిర్ణయం! మీకు ఒకటికంటే ఎక్కువ గూగుల్ అకౌంట్స్ ఉన్నాయా? అయితే..
ABN, First Publish Date - 2023-11-12T18:32:37+05:30
మీకు ఒకటికి మించి జీమెయిల్ అకౌంట్లు ఉన్నాయా? వాటిల్లో కొన్ని వాడక చాలా కాలం గడిచిపోయిందా? అయితే మీకో అలర్ట్.
ఇంటర్నెట్ డెస్క్: మీకు ఒకటికి మించి గూగుల్ అకౌంట్లు ఉన్నాయా? వాటిల్లో కొన్ని వాడక చాలా కాలం గడిచిపోయిందా? అయితే మీకో అలర్ట్. త్వరలో మీ అకౌంట్ డిలీట్ కావచ్చు. ఇలా నిరుపయోగంగా పడి ఉన్న అకౌంట్లను స్వయంగా గూగుల్ డిలీట్ చేయనుంది. ఈ విషయాన్ని సంస్థ ప్రాజెక్టు మేనేజ్మెంట్ విభాగం వైస్ ప్రెసిడెంట్ రుత్ కిర్చెల్లీ ఓ బ్లాగులో పేర్కొన్నారు. నిరర్ధక అకౌంట్ల తొలగింపు ప్రక్రియను డిసెంబర్ నుంచీ ప్రారంభిస్తామన్నారు. ఈ మేరకు సంస్థ అకౌంట్ ఇనాక్టివిటీ పాలసీకి మార్పులు చేసినట్టు చెప్పారు.
Longest Car: భలే కారు.. లోపల స్విమ్మింగ్ పూల్.. హెలికాఫ్టర్ దించేందుకు హెలీ ప్యాడ్..
కనీసం రెండేళ్ల పాటూ ఓ యూజర్ తన గూగుల్ అకౌంట్లోకి లాగిన్ కాకపోతే ఆ అకౌంట్ను గూగుల్ డిలీట్ చేసే అవకాశం ఉంది. జీమెయిల్, డాక్స్, డ్రైవ్, మీట్, క్యాలెండర్ వంటి ఉత్పత్తుల్లో యూజర్ భద్రపరుచుకున్న సమాచారం మొత్తం తుడిచిపెట్టుకుపోయే అవకాశం ఉంది. పాత అకౌంట్లతో భద్రతాపరమైన సమస్యలు ఉన్నందున ఈ నిర్ణయం తీసుకున్నట్టు గూగుల్ చెబుతోంది. పాత అకౌంట్లకు రెండంచెల పాస్ వర్డ్ వ్యవస్థ (టూ ఫ్యాక్టర్ ఆథెంటికేషన్) ఉండే అవకాశం తక్కువని, అకౌంట్ భద్రతపై యూజర్ దృష్టి సారించడని గూగుల్ చెబుతోంది. ఫలితంగా, ఈ అకౌంట్లకు భద్రతా సమస్యలు ఎదురయ్యే అవకాశం ఉక్కువగా ఉందని తెలిపింది. ఒకసారి అకౌంట్కు సమస్య వస్తే అందులో సమాచారం ఆధారంగా నిందితులు సైబర్ నేరాలకు ఒడిగట్టే అవకాశం ఉందని చెప్పింది.
అకౌంట్ డిలీట్ కాకుండా ఉండాలంటే ఏం చేయాలో కూడా గూగుల్ చెప్పింది. పాత అకౌంట్లలో యూజర్లు కనీసం రెండేళ్ల కొకసారి అన్నా లాగిన్ అయితే ఈ ప్రమాదం ఉండదని చెప్పింది. అయితే, ఈ డిలీషన్ పాలసీ వ్యక్తిగత అకౌంట్లకే వర్తిస్తుందని, స్కూళలు, సంస్థలకు చెందిన అకౌంట్లతో ఈ ప్రమాదం లేదని పేర్కొంది.
Updated Date - 2023-11-12T18:35:23+05:30 IST