Illegal Immigration: అమెరికాకు భారత్ నుంచి భారీగా పెరిగిన అక్రమ వలసలు.. గడిచిన ఏడాది కాలంలో డబుల్
ABN, First Publish Date - 2022-12-31T12:55:44+05:30
అగ్రరాజ్యం అమెరికాకు (America) భారత్ నుంచి అక్రమ వలసలు (Illegal Immigration) భారీగా పెరిగినట్లు తాజాగా వెలువడిన గణాంకాలు చెబుతున్నాయి.
ఎన్నారై డెస్క్: అగ్రరాజ్యం అమెరికాకు (America) భారత్ నుంచి అక్రమ వలసలు (Illegal Immigration) భారీగా పెరిగినట్లు తాజాగా వెలువడిన గణాంకాలు చెబుతున్నాయి. యూఎస్ సర్కార్ (US Government) డేటా ప్రకారం కేవలం ఈ ఏడాది అక్టోబర్, నవంబర్ రెండు నెలల్లోనే ఆ దేశ బార్డర్ సెక్యూరిటీ అధికారులు ఏకంగా 4,297 మంది భారతీయులను అదుపులోకి తీసుకున్నారు. అలాగే ఈ ఏడాది మొత్తం ఇప్పటివరకు 63,927 మంది ఇలా అక్రమంగా దేశంలోకి ప్రవేశిస్తూ పట్టుబడ్డారు. గతేడాది ఈ సంఖ్య 30,662గా ఉందని డేటా చెబుతోంది. అంటే ఏడాది వ్యవధిలో రెట్టింపు అయింది. ఇక 2019-20లో ఈ సంఖ్య కేవలం 19,883 మాత్రమే. గడిచిన రెండేళ్ల నుంచి భారీ సంఖ్యలో భారతీయులు ఇలా అక్రమమార్గంలో అగ్రరాజ్యం వెళ్తున్నారని ఈ డేటా చూస్తే అర్థమవుతోంది.
Updated Date - 2022-12-31T12:55:48+05:30 IST