తెల్లని కోడి గుడ్లను చూసిన కళ్లు... ఈ తరహా గుడ్లను చూస్తే రెప్పలు వేయడం ఆపేస్తాయి... కారణం ఇదే..
ABN, First Publish Date - 2023-05-03T11:33:14+05:30
ఇప్పటివరకూ మనం తెలుపురంగు గుడ్డు(White egg)నే చూసివుంటాం. అయితే ప్రపంచంలోని ఒక దేశంలోని కోళ్లు నీలిరంగు గుడ్లు(Blue eggs) పెడుతుంటాయి.
ఇప్పటివరకూ మనం తెలుపురంగు గుడ్డు(White egg)నే చూసివుంటాం. అయితే ప్రపంచంలోని ఒక దేశంలోని కోళ్లు నీలిరంగు గుడ్లు(Blue eggs) పెడుతుంటాయి. ఈ రంగులో గుడ్లు పెట్టడం వెనుక ప్రత్యేక కారణం ఉంది. ఆ వివరాలు ఇప్పుడు తెలుసుకుందాం. కొన్ని కోళ్లు నలుపు రంగు గుడ్ల(Black eggs)ను కూడా పెడతాయి.
ఈ నలుపు రంగు గుడ్లు ఆరోగ్యానికి ఎంతో మంచివిగా పరిగణిస్తారు. కడక్నాథ్ కోడి(Kadaknath Kodi) గుడ్లు నల్లగా ఉంటాయి. ఇవి ఎంతో ఖరీదైనవి. ఈ తెలుపు, నలుపు గుడ్లకు భిన్నంగా నీలిరంగు గుడ్లు కూడా ఉన్నాయని తెలిస్తే, ఎవరూ త్వరగా నమ్మలేరు. ప్రపంచం(world)లోని ఆ ప్రాంతంలో కోళ్లు పెట్టే గుడ్లు నీలి రంగులో ఉండటం వెనుక ఒక ప్రత్యేక కారణం ఉంది. నిజానికి ఈ నీలి రంగు గుడ్లు అరౌకానా(araucana) అనే కోడి పెట్టినవి. ఈ నీలి రంగు గుడ్లు చిలీ దేశంలో కనిపిస్తాయి. వైరస్ దాడుల కారణంగా గుడ్డు ఇలా నీలి రంగులోకి మారుతుందని చెబుతారు. ఈ తరహా గుడ్లు పెట్టే కోడి తొలిసారిగా 1914 సంవత్సరంలో చిలీ దేశంలో కనిపించింది.
స్పానిష్ పక్షి శాస్త్రవేత్త(Spanish ornithologist) సాల్వడార్ కాస్టెల్ ఈ కోడిని చూశారు. చిలీలోని అరౌకానియా ప్రాంతంలో ఈ కోడి అతనికి కనిపించింది. అందుకే దీనికి అరౌకానా అని పేరు పెట్టారు. శాస్త్రవేత్తలు(Scientists) తెలిపిన వివరాల ఇది దేశీయ కోడి రకం. రెట్రోవైరస్ దాడి కారణంగా ఈ గుడ్లు నీలి రంగులో ఉంటాయి. రెట్రోవైరస్లు(Retroviruses) కోళ్లలోకి ప్రవేశించి వాటి జన్యువు నిర్మాణాన్ని మారుస్తాయి.
వీటిని EAV-HP అంటారు. ఇలా జన్యువుల నిర్మాణంలో మార్పు కారణంగా కోడి గుడ్ల రంగు మారుతుంది. ఇలావైరస్ సోకినప్పటికీ అవి తినడానికి అనువైనవిగానే ఉంటాయి. ఎందుకంటే వైరస్లు గుడ్ల బయటి నిర్మాణాన్ని మాత్రమే ప్రభావితం(affect) చేస్తాయి. ఐరోపా దేశాలు, అమెరికాలో ఈ చికెన్, గుడ్లు చాలా ఉత్సాహంగా తింటారు.
Updated Date - 2023-05-03T11:49:40+05:30 IST