‘సుప్రీం’ గీత దాటిన బిహార్ కోటా
ABN, First Publish Date - 2023-11-10T05:12:00+05:30
బిహార్లో రిజర్వేషన్లను 65 శాతానికి పెంచడానికి ఉద్దేశించిన బిల్లును ఆ రాష్ట్ర అసెంబ్లీ గురువారం ఆమోదించింది.
65% రిజర్వేషన్ల బిల్లుకు అసెంబ్లీ ఆమోదం
పట్నా, నవంబరు 9: బిహార్లో రిజర్వేషన్లను 65 శాతానికి పెంచడానికి ఉద్దేశించిన బిల్లును ఆ రాష్ట్ర అసెంబ్లీ గురువారం ఆమోదించింది. దీంతో, సుప్రీంకోర్టు విధించిన 50% పరిమితిని దాటినట్లైంది. అయితే, ఈ బిల్లుకు బిహార్ గవర్నర్ ఆమోదం తెలిపిన తర్వాతనే అది చట్టరూపం దాల్చనుంది. అప్పటి నుంచే విద్య, ఉద్యోగావకాశాల్లో పెంచిన రిజర్వేషన్లు అమలవుతాయి. మహిళా విద్య, జనాభా నియంత్రణపై నితీశ్ చేసిన వ్యాఖ్యలపై అసెంబ్లీలో గందరగోళం మధ్యే ఈ బిల్లు ఆమోదం పొందింది. బిహార్ అసెంబ్లీ ఆమోదించిన 65 శాతానికి కేంద్రం ప్రతిపాదించిన 10% ఈడబ్ల్యూఎస్ కోటా అదనం. అంటే మొత్తం రిజర్వేషన్లు 75%కి చేరాయి.
Updated Date - 2023-11-10T05:12:53+05:30 IST