Airport: విమానాశ్రయం కొత్త టెర్మినల్‌లో ట్రయల్‌ రన్‌ సక్సెస్‌
ABN, First Publish Date - 2023-04-23T13:30:11+05:30
స్థానిక కొత్త టెర్మినల్‌లో నిర్వహించిన ట్రయల్‌ రన్‌ విజయవంతం అయినట్లు విమానాశ్రయ
పెరంబూర్‌(చెన్నై): స్థానిక మీనంబాక్కంలోని కొత్త టెర్మినల్‌లో శుక్రవారం నిర్వహించిన ట్రయల్‌ రన్‌ విజయవంతం అయినట్లు విమానాశ్రయ అధికారులు తెలిపారు. చెన్నై విమానాశ్రయ(Chennai Airport) విస్తరణలో భాగంగా అధునాతన వసతులతో కొత్త టెర్మినల్‌ను ఇటీవల ప్రధాని మోదీ(Prime Minister Modi) ప్రారంభించారు. ఈ నెల 25వ తేది నుంచి ఈ టెర్మినల్‌ నుంచి విమానసేవలు ప్రారంభం కానున్నాయి. ప్రయాణికులు విమానంలో ఎక్కేందుకు, దిగేందుకు మెట్లతో కూడిన వాహనం వినియోగిస్తుంటారు. ప్రయాణికులకు మెరుగైన వసతుల కల్పనలో భాగంగా విమానం డోర్‌ వద్దకు లిఫ్ట్‌ లాంటి వంతెన ఏర్పాటు చేయడంతో, ప్రయాణికులు నేరుగా ఈ లిఫ్ట్‌ ద్వారా విమానంలో ఎక్కడం, దిగే సౌకర్యం కల్పించారు. శుక్రవారం ఓ విమానాన్ని ఈ లిఫ్ట్‌ వద్దకు తీసుకొచ్చేలా నిర్వహించిన ట్రయల్‌ రన్‌ విజయవంతమైందని అధికారులు తెలిపారు.
Updated Date - 2023-04-23T13:30:11+05:30 IST