Film director: సినిమా దర్శకుడికి కత్తిపోట్లు
ABN, First Publish Date - 2023-06-07T10:09:11+05:30
ఒక హోటల్లోని బార్లో పుట్టిన రోజు వేడుకలు జరుపుకున్న సినీ దర్శకుడు సెల్వరాజ్(Film director Selvaraj)పై కత్తితో దాడి చేసిన ముగ్గురు వ్యక్తు
- ముగ్గురి కోసం గాలింపు
అడయార్(చెన్నై): పెరంబలూరులోని ఒక హోటల్లోని బార్లో పుట్టిన రోజు వేడుకలు జరుపుకున్న సినీ దర్శకుడు సెల్వరాజ్(Film director Selvaraj)పై కత్తితో దాడి చేసిన ముగ్గురు వ్యక్తుల కోసం స్థానిక పోలీసులు గాలిస్తున్నారు. పెరంబలూరు జిల్లా అరణారైకి చెందిన సెల్వరాజ్ (39) తమిళ చిత్రపరిశ్రమలో దర్శకుడు. అయితే, ఈయనపై అనేక ఆరోపణలు ఉన్నాయి. ఈ నేపథ్యంలో సెల్వరాజ్ తన పుట్టిన రోజు వేడుకలను పెరంబలూరులోని ఒక హోటల్ బార్లో తన స్నేహితులతో జరుపుకున్నారు. ఆ సమయంలో గుర్తు తెలియని వ్యక్తులు కొందరు బార్లోకి ప్రవేశించి సెల్వరాజ్ను కత్తితో పొడిచారు. ఈ దాడిలో తీవ్రంగా గాయపడిన సెల్వరాజ్ను ఆయన స్నేహితులు ఆస్పత్రికి తరలించారు. ఈ ఘటనపై బాధితుడి ఫిర్యాదు మేరకు కేసు నమోదు చేసి, కత్తితో దాడి చేసిన ముగ్గురు వ్యక్తుల కోసం గాలిస్తున్నారు.
Updated Date - 2023-06-07T10:09:11+05:30 IST