Lay Off: అమెజాన్లో మళ్లీ లేఆఫ్...18వేల మంది ఉద్యోగుల తొలగింపు
ABN, First Publish Date - 2023-01-05T09:45:11+05:30
గ్లోబల్ ఈ కామర్స్ దిగ్గజ సంస్థ అయిన అమెజాన్ మళ్లీ గురువారం లేఆఫ్ ప్రకటించింది....
వాషింగ్టన్ (అమెరికా): గ్లోబల్ ఈ కామర్స్ దిగ్గజ సంస్థ అయిన అమెజాన్ మళ్లీ గురువారం లేఆఫ్ ప్రకటించింది.(Lay Off) ఆర్థిక సంక్షోభం వల్ల మరోసారి 18వేల మంది ఉద్యోగులను తొలగించనున్నట్లు అమెజాన్(Amazon) సీఈఓ ఆండీ జస్సీ(CEO Andy Jassy) వెల్లడించారు. ఈ మేరకు అమెజాన్ ఉద్యోగులకు ఒక సందేశాన్ని పంపించారు.అమెజాన్ గత ఏడాది నవంబర్ నెలలో 10వేలమంది ఉద్యోగులను తొలగించింది. ఆర్థిక సంక్షోభం(uncertain economy), కరోనా మహమ్మారి వల్ల 18వేల మంది ఉద్యోగులను తొలగిస్తున్నామని ఆండీ జస్సీ చెప్పారు.
ఈ ఉద్యోగుల తొలగింపుల వల్ల ఉద్యోగులకు కష్టమని తెలిసినా నిర్ణయం తీసుకోక తప్పడం లేదని సీఈఓ చెప్పారు. ఉద్యోగుల తొలగింపు యూరప్ దేశాల్లో ఉంటుందని జనవరి 18వతేదీ నుంచి తొలగించే ఉద్యోగులకు సమాచారం అందిస్తామని జస్సీ తెలిపారు. మా సంస్థలో ఓ సహచరుడు లే ఆఫ్ సమాచారాన్ని లీక్ చేయడంతో తాము ఈ ప్రకటన చేస్తున్నామని జస్సీ పేర్కొన్నారు.గత ఏడాది సెప్టెంబర్ చివరి నాటికి ప్రపంచవ్యాప్తంగా అమెజాన్ కంపెనీలో 1.54 మిలియన్ల మంది ఉద్యోగులున్నారు.
Updated Date - 2023-01-05T09:46:33+05:30 IST