Viral Video: గుండెపోటుతో డాక్టర్ ఎదురుగానే కుప్ప కూలిన వ్యక్తి.. అతడిని డాక్టర్ ఎలా కాపాడారంటే..
ABN, First Publish Date - 2022-09-06T20:09:32+05:30
డాక్టర్ దగ్గరకు చికిత్స కోసం వెళ్లిన ఒక రోగి ఆయన ఎదురుగా కుర్చీలో కూర్చుని ఒక్కసారిగా గుండెపోటుతో కుప్పకూలిపోయాడు
డాక్టర్ దగ్గరకు చికిత్స కోసం వెళ్లిన ఒక రోగి ఆయన ఎదురుగా కుర్చీలో కూర్చుని ఒక్కసారిగా గుండెపోటుతో కుప్పకూలిపోయాడు. వెంటనే స్పందించిన డాక్టర్ సీపీఆర్‌ (CPR) ద్వారా ఆ రోగి ప్రాణాలు కాపాడారు. మహారాష్ట్రలోని ఓ హాస్పిటల్‌లో జరిగిన ఈ సంఘటనకు సంబంధించిన వీడియో సోషల్‌ మీడియాలో వైరల్‌ (Viral Video) అయింది. ఆ డాక్టర్ స్పందించిన తీరుపై నెటిజన్లు ప్రశంసలు కురిపిస్తున్నారు.
ఇది కూడా చదవండి..
Virginity Test: కొత్త పెళ్లి కూతురికి కన్యత్వ పరీక్ష.. ఆమె ఫెయిల్ అయిందని రూ.10 లక్షలు అడిగిన అత్తమామలు.. చివరకు..
కొల్హాపూర్‌కు చెందిన డాక్టర్ అర్జున్ అడ్నాయక్ వద్దకు గుండె సంబంధిత సమస్యతో బాధపడుతున్న ఒక రోగి వచ్చాడు. డాక్టర్ ఎదురుగా కుర్చీలో కూర్చొన్న ఆ వ్యక్తికి ఆకస్మాత్తుగా గుండెపోటు వచ్చింది. దీంతో అతను కుర్చీలో కూర్చుని స్పృహ తప్పాడు. రోగి పరిస్థితిని గమనించిన డాక్టర్ వెంటనే పరిగెత్తుకుంటూ రోగి వద్దకు వెళ్లారు. తన చేతితో రోగి ఛాతిపై తడుతూ సీపీఆర్‌ చేశారు. కొంత సేపటికి ఆ వ్యక్తి తిరిగి సాధారణ స్థితికి వచ్చాడు.
అక్కడ అమర్చిన సీసీటీవీలో రికార్డైన ఈ వీడియో క్లిప్‌ సోషల్‌ మీడియాలో వైరల్‌ అయింది. ఈ వీడియోపై నెటిజన్లు ప్రశంసలు కురిపిస్తున్నారు. ఆ డాక్టర్ స్పందించి రోగిని కాపాడిన తీరును ప్రశంసించారు. డాక్టర్ అర్జున్ అడ్నాయక్ నెంబర్ వన్ కార్డియాలజిస్ట్ అని చాలా మంది కామెంట్లు చేశారు.
Updated Date - 2022-09-06T20:09:32+05:30 IST