తనను తానే పెళ్లాడిన యువతి గురించి విన్నారుగా.. ఇప్పుడు తాజాగా మరో యువతి ఎవరిని వివాహం చేసుకుందో తెలిస్తే..
ABN, First Publish Date - 2022-06-23T20:50:33+05:30
ప్రేమ ఎప్పుడు, ఎక్కడ, ఎవరి మీద పుడుతుందో ఎవరికీ తెలియదు. ఇటీవల గుజరాత్‌కు చెందిన ఓ యువతి తనతో తానే ప్రేమలో పడి పెళ్లి కూడా చేసుకున్న సంగతి తెలిసిందే.
ప్రేమ ఎప్పుడు, ఎక్కడ, ఎవరి మీద పుడుతుందో ఎవరికీ తెలియదు. ఇటీవల గుజరాత్‌కు చెందిన ఓ యువతి తనతో తానే ప్రేమలో పడి పెళ్లి కూడా చేసుకున్న సంగతి తెలిసిందే. తాజాగా బ్రెజిల్‌కు చెందిన మహిళ ఓ బొమ్మతో ప్రేమలో పడి, దానినే పెళ్లి చేసుకుంది. అంతేకాదు.. మరో చిన్న బొమ్మకు కూడా తల్లిగా మారింది. బ్రెజిల్‌కు చెందిన 37 ఏళ్ల మోరేస్ అనే మహిళ ఓ రాగ్ డాల్‌తో ప్రేమలో పడింది. మోరేస్‌కు ఆమె తల్లి ఆ బొమ్మను బహుమతిగా ఇచ్చింది. చూసిన వెంటనే దానితో మోరేస్ ప్రేమలో పడింది. ఆ బొమ్మకు మార్సెలో అని పేరు పెట్టింది.
ఇది కూడా చదవండి..
Viral Video: నెట్టింట నవ్వులు పూయిస్తున్న బుడ్డోడు.. మొట్టమొదటిసారి కేక్‌ను తిన్నాక చిన్నారి రియాక్షన్ అదుర్స్..
దాదాపు 250 మంది అతిథులు హాజరైన వేడుకలో మార్సెలో, మోరేస్‌ల పెళ్లి జరిగింది. అనంతరం ఇద్దరూ కలిసి రియో డి జనీరియోకు హనీమూన్‌కు కూడా వెళ్లారు. ఆ తర్వాత ఓ బేబీ డాల్‌ను తమ సంతానంగా స్వీకరించారు. `నా భర్త నన్ను ఎంతో అర్థం చేసుకుంటాడు. మార్సెలో ఎప్పుడూ సైలెంట్‌గా ఉంటాడు. మార్సెలో గొప్ప, నమ్మకమైన భర్త. అలాంటి భర్త కావాలని మహిళలందరూ కోరుకుంటార`ని మోరేస్ చెప్పింది. అయితే తన భర్త సోమరి కావడం వల్ల అతను ఎక్కడికీ వెళ్లడని, తన సంపాదనతోనే కుటుంబం నడుస్తుందని ఆమె చెప్పింది.
`నేను నా భర్తతో చాలా సంతోషంగా ఉన్నాను. అయినప్పటికీ, ప్రజలు మా దాంపత్య జీవితాన్ని `నకిలీ` అంటుంటారు. అది నాకు చాలా కోపం తెప్పిస్తుంది. మా నాన్న, మా అమ్మ నిజాయితీగా ఉండాలని, మంచి వ్యక్తిగా ఉండాలని, నచ్చిన పని నిర్భయంగా చేయాలని చెప్పారు. అందుకే ఇతరుల కామెంట్లను పెద్దగా పట్టించుకోన`ని మోరేస్ చెప్పింది.
Updated Date - 2022-06-23T20:50:33+05:30 IST