Viral Video: టవల్ను మింగేసిన కొండ చిలువ.. దానిని డాక్టర్లు ఎలా కాపాడారంటే..?
ABN, First Publish Date - 2022-07-30T02:17:01+05:30
కొండ చిలువ (python)లకు ఆకలి వేసినపుడు ఏది కనిపిస్తే దానిని మింగేస్తాయి..
కొండ చిలువ (python)లకు ఆకలి వేసినపుడు ఏది కనిపిస్తే దానిని మింగేస్తాయి.. కొన్నిసార్లు ప్లాస్టిక్ లేదా ఇనుప వస్తువులను కూడా మింగేసి ప్రాణాల మీదకు తెచ్చుకుంటాయి. ఆకలితో అలమటించిన ఓ కొండచిలువ తాజాగా ఓ టవల్‌ (python swallowed towel) ను మింగేసింది. ఆ టవల్ను జీర్ణం చేసుకోలేక ఆపసోపాలు పడింది. దాని అవస్థను గమనించిన కొందరు స్థానికులు డాక్టర్లను పిలిచారు. ఆస్ట్రేలియా (Australia)లో ఈ ఘటన వెలుగు చూసింది.
ఇది కూడా చదవండి..
Killed for Chapati: చపాతీ ఇవ్వలేదని దారుణం.. నడిరోడ్డు మీద హత్య చేసిన వ్యక్తి!
న్యూ సౌత్ వేల్స్‌లోని ఓ కొండ చిలువ ఆకలికి తాళలేక టవల్ను మింగేసింది. ఆ తర్వాత దానిని జీర్ణం చేసుకోలేక, బయటకు కక్కలేక నానా అవస్థలు పడింది. దాని పరిస్థితి గమనించిన స్థానికులు వెటర్నరీ డాక్టర్లకు సమాచారం అందించారు. వారు దానిని జంతువుల ఆస్పత్రికి తీసుకెళ్లారు. అప్పటికే దాని పరిస్థితి విషమంగా మారింది. దాంతో వైద్యులు ఆ కొండ చిలువకు మత్తు మందు ఇచ్చారు. అనంతరం దాని కడుపులోకి ఓ టూల్‌ పైప్‌ను పంపి.. అతి కష్టం మీద ఆ టవల్ను బయటకు తీశారు. దీంతో ఆ కొండ చిలువ ప్రాణాలతో బయటపడింది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.
Updated Date - 2022-07-30T02:17:01+05:30 IST