పాఠశాల మరుగుదొడ్డిలో నాగుపాము
ABN, Publish Date - Mar 01 , 2024 | 02:07 AM
కోట మండలం ఉత్తమనెల్లూరు పంచాయతీ పరిధిలోని తాటిగుంటచెరువు ప్రాథమిక పాఠశాలలోని విద్యార్థుల మరుగుదొడ్డిలో గురువారం ఓ నాగుపాము ప్రత్యక్షమైంది.
కోట మండలం ఉత్తమనెల్లూరు పంచాయతీ పరిధిలోని తాటిగుంటచెరువు ప్రాథమిక పాఠశాలలోని విద్యార్థుల మరుగుదొడ్డిలో గురువారం ఓ నాగుపాము ప్రత్యక్షమైంది. స్థానికులు తెలిపిన వివరాల మేరకు.. పాఠశాలలో విద్యార్థులకు ప్రత్యేక మరుగుదొడ్లు ఉన్నాయి. ఇందులో ఓ మరుగుదొడ్డిలోని బేసిన్లోకి నాగుపాము చొరబడింది. ఇంటర్వెల్ సమయంలో హెచ్ఎం సుజాత ఆ పామును గమనించారు. వెంటనే విద్యార్థులను తరగతి నుంచి బయటకు రానీయకుండా తలుపువేసి స్థానిక గిరిజనులకు సమాచారం ఇచ్చారు. వారొచ్చి గంటసేపు కష్టపడి ఆ పామును అక్కడినుంచి తరిమివేశారు. దీంతో విద్యార్థులు, టీచర్లు ఊపిరిపీల్చుకున్నారు. పామును గమనించకుండా ఎవరైనా వెళ్లిఉంటే ప్రమాదం జరిగేదని విద్యార్థుల తల్లిదండ్రులు వాపోయారు. -కోట
Updated Date - Mar 01 , 2024 | 02:07 AM
