భూదాన్‌పోచంపల్లిలో ఫ్యాషన్‌ టెక్నాలజీ విద్యార్థులు
ABN, First Publish Date - 2023-01-26T01:03:24+05:30
హైదరాబాద్‌కు చెందిన యూఆర్‌ఎక్స్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీకి చెందిన 25మంది విద్యార్థులు బుధవారం క్షేత్ర పర్యటనలో భాగంగా భూదాన్‌పోచంపల్లిని సందర్శించారు.
భూదాన్‌పోచంపల్లి, జనవరి 25: హైదరాబాద్‌కు చెందిన యూఆర్‌ఎక్స్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీకి చెందిన 25మంది విద్యార్థులు బుధవారం క్షేత్ర పర్యటనలో భాగంగా భూదాన్‌పోచంపల్లిని సందర్శించారు. ఈ సందర్భంగా రూరల్‌ టూరిజం సెంటర్‌లో లీవ్‌టుక్లాత్‌ ప్రాసెసింగ్‌ యూనిట్‌ను పరిశీలించారు. చేనేత కార్మికుల మగ్గాలు సందర్శించి కార్మికుల పనివిధానం, చేనేత వస్త్ర తయారీ ప్రక్రియలను వారు పరిశీలించారు. చేనేత కళాకారుల రూపొందించిన డిజైన్లను చూసి వారి కళాత్మక ప్రతిభను ప్రశంసించారు. ఈ సందర్భంగా పోచంపల్లి చేనేత టైఅండ్‌డై డిజైన్లను తమ సెల్‌ఫోన్‌లో విద్యార్థులు బంధించారు. కార్యక్రమంలో ఇన్‌స్టిట్యూట్‌ సీఈవో అరవింద్‌ సోనీ, అధ్యాపక బృందం విద్యార్థులు పాల్గొన్నారు.
Updated Date - 2023-01-26T01:03:26+05:30 IST