30న పూలాజీబాబా జన్మదిన వేడుకలు
ABN, First Publish Date - 2023-08-23T01:25:31+05:30
ఈ నెల 29, 30వ తేదీలలో ఉమ్మడి జిల్లాలోని జైనూర్ మండలం పాట్నాపూర్ సిద్ధేశ్వర సంస్థాన్లో పరమహంస సద్గురు పూలాజీ బాబా 99వ జన్మదిన మహోత్సవాలు నిర్వహిస్తున్నామని సిద్ధేశ్వర్ ట్రస్ట్ అధ్యక్షుడు, పూలాజీ బాబా తనయుడు ఇంగ్లే కేశవ్ తెలిపారు.
ఉట్నూర్/ఇంద్రవెల్లి, ఆగస్టు 22: ఈ నెల 29, 30వ తేదీలలో ఉమ్మడి జిల్లాలోని జైనూర్ మండలం పాట్నాపూర్ సిద్ధేశ్వర సంస్థాన్లో పరమహంస సద్గురు పూలాజీ బాబా 99వ జన్మదిన మహోత్సవాలు నిర్వహిస్తున్నామని సిద్ధేశ్వర్ ట్రస్ట్ అధ్యక్షుడు, పూలాజీ బాబా తనయుడు ఇంగ్లే కేశవ్ తెలిపారు. ఈ మేరకు స్థానిక ఐటీడీఏ కార్యాలయంలో ప్రాజెక్టు అదికారి చాహత్బాజ్పాయికి ఆహ్వానపత్రం అందించి జన్మదిన మహోత్సవ పోస్టర్లను విడుదల చేశారు. ఈ సందర్భంగా ఇంగ్లేకేశవ్ మాట్లాడుతూ 29న ధ్వజారోహణ కార్యక్రమంతో జన్మదిన మహోత్సవాలు ప్రారంభిస్తామ ని, 30న ఉదయం పది గంటల నుంచి ఒంటిగంట వరకు జన్మదిన మహోత్సవం సందర్భంగా జ్యోతిప్రజ్వలన, సామూహిక ధ్యానదారణ, ప్రముఖుల కు సన్మానాలు, ప్రసంగాలు ఉంటాయని అన్నారు. ఈ కార్యక్రమంలో అంద్ సంఘం రాష్ట్ర అధ్యక్షుడు కూడకైలాస్, జిల్లా అధ్యక్షుడు ముఖాడే విష్ణు, కమిటీ సభ్యులు డుక్రే సుభాష్, రాము, శీమంత్, తదితరులు ఉన్నారు.
Updated Date - 2023-08-23T01:25:31+05:30 IST