1534 కోట్లతో అచ్చంపేట ఎత్తిపోతల తొలి దశ
ABN, First Publish Date - 2023-05-13T02:41:45+05:30
అచ్చంపేట నియోజకవర్గం పరిధిలో 57,200 ఎకరాలకు సాగునీటితోపాటు పలు గ్రామాలకు తాగునీటిని అందించడానికి అచ్చంపేట ఎత్తిపోతల పథకం ఒకటో దశను రూ.1,534.50 కోట్లతో చేపట్టేందుకు ప్రభుత్వం ..
హైదరాబాద్‌, మే 12 (ఆంధ్రజ్యోతి): అచ్చంపేట నియోజకవర్గం పరిధిలో 57,200 ఎకరాలకు సాగునీటితోపాటు పలు గ్రామాలకు తాగునీటిని అందించడానికి అచ్చంపేట ఎత్తిపోతల పథకం ఒకటో దశను రూ.1,534.50 కోట్లతో చేపట్టేందుకు ప్రభుత్వం పరిపాలనపరమైన అనుమతినిచ్చింది. పాలమూరు-రంగారెడ్డి ఎత్తిపోతల పథకంలో చేపట్టిన ఏదుల రిజర్వాయర్‌ నుంచి 5 టీఎంసీలను ఈ పథకం కింద ఉమామహేశ్వర రిజర్వాయర్‌కు తరలిస్తారు. తర్వాత 57,200 ఎకరాలకు నీరందించేందుకు రిజర్వాయర్‌తోపాటు కాల్వల వ్యవస్థను ఏర్పాటు చేయనున్నారు. దీని కింద సీఎం అండ్‌ సీడీ పనులు, అప్రోచ్‌ చానల్‌, కెనాల్‌ లైనింగ్‌ వంటి పనులు చేపడతారు. పాలమూరు-రంగారెడ్డి ఎత్తిపోతల పథకంలో 6.5 టీఎంసీల సామర్థ్యంతో ఏదుల రిజర్వాయర్‌ను నిర్మిస్తుండగా దాని నుంచి 5 టీఎంసీలను అచ్చంపేట ఎత్తిపోతల పథకం కింద తరలించనున్నారు.
Updated Date - 2023-05-13T02:41:45+05:30 IST