Trend Heels : అదిరేటి హీల్స్ మీరేస్తే...
ABN, First Publish Date - 2023-08-29T23:29:03+05:30
స్టైల్గా కనిపించాలంటే డ్రస్సుకు తగిన హీల్స్ ఎంచుకోవాలి. బ్లంట్ హీల్స్, వెడ్జెస్, పంప్స్... ఇలా లెక్కలేనన్ని రకాల హీల్స్ మార్కెట్లో
స్టైల్గా కనిపించాలంటే డ్రస్సుకు తగిన హీల్స్ ఎంచుకోవాలి.
బ్లంట్ హీల్స్, వెడ్జెస్, పంప్స్... ఇలా లెక్కలేనన్ని రకాల హీల్స్ మార్కెట్లో
దొరుకుతున్నప్పుడు, ఏ దుస్తులకు ఎలాంటి హీల్స్ ఎంచుకోవాలో
తెలుసుకోవడం అవసరం.
బ్లాక్ హీల్స్: శరీర బరువు మొత్తాన్నీ సమంగా భరించే ఈ బ్లాక్ హీల్స్ ఎంతో సౌకర్యవంతంగా ఉంటాయి. ఫార్మల్ పాంట్స్, స్కర్ట్స్, ట్రౌజర్లకు ఈ రకం బ్లాక్ హీల్స్ చక్కగా సూటవుతాయి.
క్యూబన్ హీల్: ఈ హీల్ ఎత్తు మధ్యస్తంగా, లేదా పొట్టిగా ఉంటుంది. యాంకిల్ బూట్స్, లోఫర్స్, ఇతరత్రా క్లోజ్డ్ షూలన్నీ ఈ తరహాలోనే ఉంటాయి. ఈ రకం హీల్ షూలను క్యాజువల్ ప్యాంట్స్తో మ్యాచ్ చేయవచ్చు.
కోన్ హీల్స్: ఎత్తైన హీల్స్ ఇవి. వైబ్రెంట్గా కనిపించే షార్ట్ గౌన్స్, ఈవినింగ్ పార్టీ డ్రస్సె్సకు ఇవి సూటవుతాయి. మరీ ముఖ్యంగా మెరుపుతో కూడిన కోన్ హీల్స్ను రాత్రి పూట వేడుకల్లో ధరించాలి.
ఫ్లేర్ హీల్స్: ఫ్లేర్ ప్యాంటు తరహాలోనే విస్తరించినట్టు ఉండే ఫ్లేర్ హీల్స్ చూపులకు విభిన్నంగా ఉంటాయి. 70ల నాటి ఫ్లేర్ హీల్స్ ఆదరణ కోల్పోకుండా ఉండడానికి కారణం ఇవి ఎంతో సౌకర్యంగా ఉండడమే! చీరలు, చుడీదార్లు లాంటి సంప్రదాయ వస్త్రధారణకు ఈ తరహా హీల్స్ బాగుంటాయి.
ఫ్రెంచ్ హీల్: ఒక అంగుళం ఎత్తు మాత్రమే ఉండే ఈ హీల్స్ను ఎత్తైన అమ్మాయిలు ఎంచుకోవచ్చు. జీన్స్, జెగ్గింగ్స్తో పాటు ధరించడానికి ఇవి బాగుంటాయి.
హై హీల్: నాలుగు అంగుళాల ఎత్తుండే హీల్స్ అన్నీ ఈ కోవకే చెందుతాయి. వీటిలో పంప్స్, స్టిలెటోస్, హీల్డ్ శాండిల్స్ అనే రకాలూ ఉంటాయి. సందర్భాన్ని బట్టి హీల్ రకాన్ని ఎంచుకోవాలి. పంప్స్ పబ్స్కూ, స్టిలెటో్సను పార్టీలకూ, హీల్డ్ శాండిల్స్ను ఇంటి వేడుకలకూ వాడుకోవచ్చు.
Updated Date - 2023-08-29T23:29:03+05:30 IST