Shri Durga Devi : నేటి అలంకరణ శ్రీ దుర్గాదేవి
ABN, First Publish Date - 2023-10-22T00:14:41+05:30
(దుర్గాష్టమి) ఆశ్వయుజ శుద్ధ అష్టమి, ఆదివారం శరన్నవరాత్రి మహోత్సవాల్లో ఎనిమిదో రోజున తన స్వస్వరూపమైన శ్రీ దుర్గాదేవిగా విజయవాడ శ్రీ కనకదుర్గమ్మ
(దుర్గాష్టమి) ఆశ్వయుజ శుద్ధ అష్టమి, ఆదివారం
శరన్నవరాత్రి మహోత్సవాల్లో ఎనిమిదో రోజున తన స్వస్వరూపమైన శ్రీ దుర్గాదేవిగా విజయవాడ శ్రీ కనకదుర్గమ్మ దర్శనమిస్తారు. లోక కంటకుడైన దుర్గమాసురుణ్ణి వధించి, ఇంద్రకీలాద్రిపై దుర్గగా... స్వయంభువై అమ్మవారు వెలసినది ఈ అష్టమి తిథినాడేనని పురాణాలు చెబుతున్నాయి. అందుకే ఈ అష్టమిని ‘దుర్గాష్టమి’ అని వ్యవహరిస్తారు. పంచ ప్రకృతి మహాస్వరూపాల్లో దుర్గా రూపం మొదటిది. ఆమె శక్తి అనంతమైనది. దుర్గాదేవిది ఉగ్రరూపం. అయినా భక్తులపై ఆమె అవ్యాజమైన కరుణ కురిపిస్తుంది. ‘దుర్గే దుర్గతి నాశని’ అంటారు. ఈ రోజున అమ్మవారి దర్శనంతో దుర్గతుల నుంచి తప్పించుకోవచ్చనేది భక్తుల ప్రగాఢ విశ్వాసం. భవబంధాలలో చిక్కుకున్న మానవుణ్ణి దుర్గా మాత అనుగ్రహించి మోక్షాన్ని ప్రసాదిస్తుందనీ, కోటి సూర్యప్రభలతో వెలుగొందే అమ్మను అర్చిస్తే శత్రుబాధలు తొలుగుతాయనీ, సర్వత్రా విజయం ప్రాప్తిస్తుందనీ నమ్మకం.
నైవేద్యం: చిత్రాన్నం,
అలంకరించే చీర రంగు: ఎరుపు
అర్పించే పూల రంగు: గులాబీలు, ఎర్రటిపూలు, కుంకుమ
పారాయణ: దుర్గా సూక్తం, దుర్గా సప్తశ్లోకీ
Updated Date - 2023-10-22T00:14:41+05:30 IST