Heroes of Chandrayaan-3 : చంద్రయాన్-3 హీరోలు వీరే..
ABN, First Publish Date - 2023-08-24T03:03:52+05:30
చందమామ రహస్యాల గుట్టు విప్పడానికి 140 కోట్ల మంది భారతీయుల ఆశలను మోసుకెళ్లిన చంద్రయాన్-3 జాబిల్లి దక్షిణ ధ్రువంపై విజయవంతంగా ల్యాండ్ అవ్వడం వెనక.. అనేక మంది కృషి ఉంది. గత నెల 14న చంద్రయాన్-3 ప్రయోగం జరిగినప్పటి నుంచి.. బుధవారం చంద్రుడిపై సాఫ్ట్
మండల దీక్షలో.. అహరహం శ్రమించిన శాస్త్రవేత్తలు
చందమామ రహస్యాల గుట్టు విప్పడానికి 140 కోట్ల మంది భారతీయుల ఆశలను మోసుకెళ్లిన చంద్రయాన్-3 జాబిల్లి దక్షిణ ధ్రువంపై విజయవంతంగా ల్యాండ్ అవ్వడం వెనక.. అనేక మంది కృషి ఉంది. గత నెల 14న చంద్రయాన్-3 ప్రయోగం జరిగినప్పటి నుంచి.. బుధవారం చంద్రుడిపై సాఫ్ట్ ల్యాండింగ్ దాకా.. మండల కాలం పాటు శాస్త్రవేత్తలు, ఇంజనీర్లు అహరహం శ్రమించారు. ప్రాజెక్ట్ రూపకల్పన మొదలు.. విజయ తీరాలను ముద్దాడేదాకా తమ బృందాలను ఉత్సాహపరుస్తూ నిరంతరం లక్ష్యంవైపు సాగేలా చేశారు. చంద్రయాన్-3 విజయవంతమైన నేపథ్యంలో.. ఆ ఘనత వెనక ఉన్న శాస్త్రవేత్తలపై ‘ఆంధ్రజ్యోతి’ ప్రత్యేక కథనం..!
సోమ్నాథ్ భారతి, ఇస్రో చైర్మన్
చంద్రయాన్-3 విజయంలో ఇస్రో చైర్మన్ శ్రీధర సోమనాథ్ భారతి కీలక పాత్ర పోషించారు. ఆయన 1963లో కేరళలోని తురువూర్లో శ్రీధర ఫణిక్కర్, తంకమ్మ దంపతులకు జన్మించారు. బెంగళూరులోని ఇండియన్ ఇన్స్టిట్యూట్ ఆఫ్ సైన్స్ నుంచి ఏరోస్పే్సలో ఇంజనీరింగ్లో మాస్టర్స్ డిగ్రీ చదివారు. 1985లో విక్రమ్ సారాభాయ్ స్పేస్ సెంటర్లో పోలార్ శాటిలైట్ లాంచ్ వెహికిల్(పీఎ్సఎల్వీ) ప్రాజెక్టులో పనిచేశారు. 2010లో విక్రమ్ సారాభాయ్ స్పేస్ సెంటర్కు అసోసియేట్ డైరెక్టర్గా సేవలందిస్తూనే.. జియోసింక్రోనస్ శాటిలైట్ లాంచ్ వెహికల్(జీఎ్సఎల్వీ) మార్క్-3 ప్రాజెక్ట్ డైరెక్టర్గా పని చేశారు. జూన్ 2015 నుంచి జనవరి 2018 వరకు తిరువనంతపురంలోని వలియామల వద్ద ఉన్న లిక్విడ్ ప్రొపల్షన్ సిస్టమ్స్ సెంటర్కు డైరెక్టర్గా బాధ్యతలు నిర్వర్తించారు. ఆ తర్వాత.. ఇస్రో మాజీ చైర్మన్ కె.శివన్ నుంచి విక్రమ్ సారాభాయ్ స్పేస్ సెంటర్ డైరెక్టర్గా.. 2022 జనవరిలో ఇస్రో చైర్మన్గా బాధ్యతలు స్వీకరించారు. చంద్రయాన్-3తోపాటు త్వరలో ఇస్రో చేపట్టనున్న గగన్యాన్ మిషన్, సోలార్ మిషన్ ఆదిత్య-ఎల్1 పనులను ఆయన పర్యవేక్షిస్తున్నారు.
పి.వీరముత్తువేల్, చంద్రయాన్-3 ప్రాజెక్ట్ డైరెక్టర్
చంద్రయాన్-3లో కొత్త రోవర్, ల్యాండర్ నిర్మాణంలో వీరముత్తువేల్ కృషి అపారమైనది. చంద్రయాన్-2లో కూడా ఈయన కీలక పాత్ర పోషించారు. వీరముత్తువేల్ 1976 అక్టోబరు 22న తమిళనాడులోని విల్లుపురంలో జన్మించారు. ఈయన తండ్రి పళనివేల్ దక్షిణ రైల్వేలో టెక్నీషియన్గా సేవలందించారు. ఆయన పాఠశాల విద్య, డిప్లొమా విల్లుపురంలోనే జరిగింది. తాంబరంలోని ఇంజనీరింగ్ కాలేజీలో ఏరోస్పే్సలో చదువుకున్నారు. 2019లో చంద్రయాన్-3 ప్రాజెక్ట్ డైరెక్టర్గా బాధ్యతలు స్వీకరించారు. అంతకు ముందు స్పేస్ ఇన్ఫ్రాస్ట్రక్చర్ ప్రోగ్రామ్ విభాగానికి డిప్యూటీ డైరెక్టర్గా సేవలందించారు.
ఎం.శంకరన్, యూఆర్ఎ్ససీ డైరెక్టర్
ఎం.శంకరన్ను ఇస్రో పవర్హౌ్సగా పరిగణిస్తారు. యూఆర్రావు శాటిలైట్ సెంటర్ డైరెక్టర్గా ఈయన 2021లో బాధ్యతలు స్వీకరించారు. ఉపగ్రహాలకు అవసరమైన పవర్ సిస్టమ్ను అభివృద్ధి చేయడంలో ఈయనకు మూడు దశాబ్దాల అనుభవం ఉంది. భారతదేశ అవసరాలకు తగినట్లుగా.. కమ్యూనికేషన్, నావిగేషన్, రిమోట్ సెన్సింగ్, గ్రహాల అన్వేషణకు సంబంధించిన ఉపగ్రహాలను తయారు చేయడం యూఆర్ఎ్ససీ బాధ్యత. భౌతికశాస్త్ర పట్టభద్రుడైన శంకరన్.. చంద్రుడి ఉపరితలాన్ని పోలిన నిర్మాణాన్ని భూమిపై రూపొందించడంలో కీలక పాత్ర పోషించారు.’’
ఉన్నికృష్ణన్, వీఎ్సఎ్ససీ డైరెక్టర్
ఉన్నికృష్ణన్ ప్రస్తుతం కేరళలోని తుంబాలో ఉన్న విక్రమ్ సారాభాయ్ స్పేస్ సెంటర్ డైరెక్టర్గా సేవలందిస్తున్నారు. చంద్రయాన్-3ని నింగిలోకి తీసుకెళ్లిన ఎల్ఎమ్వీ-3(గతంలో జీఎ్సఎల్వీ మార్క్-3)ని ఈయన ఆధ్వర్యంలో వీఎ్సఎ్ససీలో నిర్మించారు. చంద్రయాన్-2 మిషన్లో కూడా ఉన్నికృష్ణన్ వీఎ్సఎ్ససీలోని తన బృందంతో కలిసి కీలక పాత్ర పోషించారు.
బీఎన్ రామకృష్ణ, ఐఎ్సటీఆర్ఏసీ డైరెక్టర్
విక్రమ్ ల్యాండర్కు కమాండ్లు పంపే బెంగళూరులోని ఇస్రో టెలిమెట్రీ ట్రాకింగ్ అండ్ కమాండ్ నెట్వర్క్ సెంటర్కు ఈయన డైరెక్టర్. భారత్లోని 32 మీటర్ల అతిపెద్ద డిష్ యాంటెనా ఈ కేంద్రంలోనే ఉంది. విక్రమ్ ల్యాండింగ్ ప్రక్రియలో ‘20 మినిట్స్ ఆఫ్ టెర్రర్’గా శాస్త్రవేత్తలు అభివర్ణించే ప్రక్రియను కూడా ఈ కేంద్రం నుంచే పర్యవేక్షించారు.
కె.కల్పన, చంద్రయాన్-3 డిప్యూటీ ప్రాజెక్ట్ డైరెక్టర్
చంద్రయాన్-3 ప్రాజెక్టుకు డిప్యూటీ డైరెక్టర్గా సేవలందించిన కె.కల్పన.. చంద్రయాన్-2లో కూడా పాలుపంచుకున్నారు. చెన్నైలో బీటెక్ పూర్తయ్యాక ఇస్రోలో చేరిన ఆమె.. బెంగళూరులోని ఉపగ్రహ కేంద్రంలో పనిచేశారు. చంద్రయాన్ డిప్యూటీ డైరెక్టర్గా ఆమె ల్యాండర్, రోవర్ రూపకల్పనలో పాలుపంచుకున్నారు.
శ్రీకాంత్, చంద్రయాన్-3 మిషన్ ఆపరేషన్స్ డైరెక్టర్
చంద్రయాన్-3 విజయంలో మిషన్ ఆపరేషన్స్ డైరెక్టర్ శ్రీకాంత్ కీలక పాత్ర పోషించారు. ఇస్రోతో రెండు దశాబ్దాలకు పైగా అనుభవం ఉన్న ఆయన గతంలోనూ ఎన్నో మిషన్లలో భాగస్వామిగా ఉన్నారు. చంద్రయాన్-1, చంద్రయాన్-2 మిషన్లలోనూ ఆయన పాలుపంచుకున్నారు.
Updated Date - 2023-08-24T03:03:52+05:30 IST