మా పల్లెకు పట్టాభిషేకం
ABN, First Publish Date - 2023-01-15T00:42:47+05:30
మా పల్లెకు పట్టాభిషేకం... నేనెళ్ళి చూసివస్తాను ప్రేమపూర్వక పలకరింపులతో పులకించిపోతాను
మా పల్లెకు పట్టాభిషేకం... నేనెళ్ళి చూసివస్తాను
ప్రేమపూర్వక పలకరింపులతో పులకించిపోతాను
కొత్త బియ్యపు పిండివంటలు ఆరగించి వస్తాను
కోడి పందాలు కోలాటాల్లో
కుర్రాడ్నై కేరింతలు కొడతాను
అత్తవారింట అల్లుడి హోదాలో
అలరించి వస్తాను
ప్రభల తీర్థంలో నా తడియారని
జ్ఞాపకాల్ని స్పృశించి వస్తాను
మూడురోజుల ముచ్చట్లు మూటకట్టి మురిసిపోతూ...
నాకు వీడ్కోలు పలకలేక కన్నీరు మున్నీరవుతున్న
పల్లెను ఓదార్చి
మళ్ళీ వచ్చే పండక్కి వస్తానని
ఊరడించి వస్తాను.
యం.యస్. రాజు
Updated Date - 2023-01-15T00:42:49+05:30 IST