Heritage Foods: హెరిటేజ్‌ ఫుడ్స్‌ ఆదాయం రూ.821 కోట్లు
ABN, First Publish Date - 2023-05-26T04:47:41+05:30
గత ఆర్థిక సంవత్సరాని (2022–23)కి గాను హెరిటేజ్‌ ఫుడ్స్‌ వాటాదారులకు 50 శాతం డివిడెండ్‌ను ప్రకటించింది.
హైదరాబాద్‌ (ఆంధ్రజ్యోతి బిజినెస్): గత ఆర్థిక సంవత్సరాని (2022–23)కి గాను హెరిటేజ్‌ ఫుడ్స్‌ వాటాదారులకు 50 శాతం డివిడెండ్‌ను ప్రకటించింది. రూ.5 ముఖ విలువ కలిగిన ఒక్కో షేర్‌పై రూ.2.5 డివిడెండ్‌ను బోర్డు సిఫారసు చేసింది. కాగా 2023 మార్చితో ముగిసిన మూడు నెలలకు ఏకీకృత ప్రాతిపదికన రూ.18 కోట్ల నికర లాభాన్ని ఆర్జించింది. ఏడాది క్రితం ఇదే కాలం లాభం రూ.12.64 కోట్లతో పోలిస్తే 42 శాతం పెరిగినట్లు వెల్లడించింది. సమీక్షా త్రైమాసికానికి మొత్తం ఆదాయం రూ.698.35 కోట్ల నుంచి రూ.821 కోట్లకు చేరింది. మొత,్తం ఏడాదికి రూ.3,253 కోట్ల ఆదాయంపై రూ.58 కోట్ల లాభాన్ని ప్రకటించింది.
Updated Date - 2023-05-26T04:47:41+05:30 IST