ఎలక్ట్రిక్ లూనా రాబోతోంది..
ABN, First Publish Date - 2023-06-04T02:49:03+05:30
కైనటిక్ గ్రూప్ తన ప్రముఖ మోపెడ్ బ్రాండ్ ‘లూనా’ను పునరుద్ధరించే పనిలో ఉంది. త్వరలో ఎలక్ట్రిక్ లూనాను మార్కెట్లోకి ప్రవేశపెట్టాలనుకుంటోంది....
న్యూఢిల్లీ: కైనటిక్ గ్రూప్ తన ప్రముఖ మోపెడ్ బ్రాండ్ ‘లూనా’ను పునరుద్ధరించే పనిలో ఉంది. త్వరలో ఎలక్ట్రిక్ లూనాను మార్కెట్లోకి ప్రవేశపెట్టాలనుకుంటోంది. కైనటిక్ గ్రూప్నకు చెందిన ఎలక్ట్రిక్ డివిజన్ కైనటిక్ గ్రీన్.. పుణెలోని ప్లాంట్లో ‘ఈ-లూనా’ను తయారు చేయనుంది. కైనటిక్ గ్రీన్ వ్యవస్థాపకులు, సీఈఓ సులజా ఫిరోదియా మోత్వానీ సామాజిక మాధ్యమాల ద్వారా ఈ విషయాన్ని వెల్లడించారు. అయితే, ప్రయాణానికి అవసరమైన సీటింగ్ కంటే సరుకు రవాణా సామర్థ్యంపైనే ప్రధానంగా దృష్టిసారించనున్నట్లు ఆమె స్పష్టం చేశారు.
Updated Date - 2023-06-04T02:49:03+05:30 IST