68 కాంట్రాక్టు ఉద్యోగాలు..6,823 మంది అభ్యర్థులు
ABN, First Publish Date - 2023-09-20T00:47:54+05:30
68 వివిధ కేడర్ల ఉద్యోగ నియామకాలకు నోటిఫికేషన్ను జారీ చేయగా 6,823 మంది అభ్యర్థులు దరఖాస్తు చేసుకున్నారు.
ఏలూరు ఎడ్యుకేషన్, సెప్టెంబరు 19 : జాతీయ ఆరోగ్య పథకం (ఎన్హెచ్ఎం) జిల్లా ప్రాజెక్టులో కాంట్రాక్టు/అవుట్ సోర్సింగ్ విధానంలో జిల్లా వైద్యఆరోగ్యశాఖ చేపట్టిన వివిధ వైద్యఉద్యోగాల నియామకాలకు విపరీతమైన పోటీ నెలకొంది. మొత్తం 68 వివిధ కేడర్ల ఉద్యోగ నియామకాలకు నోటిఫికేషన్ను జారీ చేయగా 6,823 మంది అభ్యర్థులు దరఖాస్తు చేసుకున్నారు. మెడికల్ ఆఫీసర్ పోస్టులు 11కి 41 మంది, స్టాఫ్నర్స్ పోస్టులు 25కి 2,708 మంది, ఫార్మసిస్టు 10 పోస్టులకు 746 మంది, ల్యాబ్టెక్నీషియన్ 4 పోస్టులకు 446 మంది, డేటా ఎంట్రీ అపరేటర్ ఆరు పోస్టులకు 1,124 మంది, లాస్ట్గ్రేడ్ సర్వీసెస్ 12 పోస్టులకు 1,758 మంది దరఖాస్తు చేసుకున్నారు. ప్రస్తుతం దరఖాస్తుల కంప్యూటరీకరణ జరుగు తోంది. వచ్చే సోమవారం నాటికి కేడర్లవారీగా మెరిట్లిస్టును కలెక్టర్ అప్రూవల్ తీసుకుని ప్రదర్శనకు పెట్టేలా కసరత్తు చేస్తున్నారు. మెరిట్ జాబితాపై ఏవైనా అభ్యంతరా లుంటే వాటిని పరిష్కరించేందుకు వ్యవధి తీసుకుని, ఫైనల్ మెరిట్లిస్టును ప్రకటిస్తారు. రిక్రూట్మెంట్ ప్రక్రియను అక్టోబరు 5వతేదీ నాటికి ముగించేందుకు ప్రయత్నిస్తున్నారు.
Updated Date - 2023-09-20T00:47:54+05:30 IST