భక్తిశ్రద్ధలతో లక్ష్మీగణపతి హోమం
ABN, First Publish Date - 2023-09-03T23:50:17+05:30
పట్టణంలోని స్వయంభూ విఘ్నేశ్వరాలయంలో ఆదివారం నిజశ్రావణ బహుళ శుద్ధ సంకష్టహర చతుర్ధి సందర్భంగా సామూహిక లక్ష్మీగణపతి హోమాన్ని నిర్వహించారు.
చోడవరం, సెప్టెంబరు 3 : పట్టణంలోని స్వయంభూ విఘ్నేశ్వరాలయంలో ఆదివారం నిజశ్రావణ బహుళ శుద్ధ సంకష్టహర చతుర్ధి సందర్భంగా సామూహిక లక్ష్మీగణపతి హోమాన్ని నిర్వహించారు. ఈ సందర్భంగా స్వామివారికి పంచామృతాభిషేకాలు జరిపారు. అర్చకులు కొడమంచిలి చలపతి ఆధ్వర్యంలో జరిగిన ఈ పూజా కార్యక్రమాల్లో పెద్ద సంఖ్యలో భక్తులు పాల్గొన్నారు.
రావికమతం : సంకష్టహర చతుర్ధి పర్వదినం సందర్భంగా టి.అర్జాపురంలోని బాలవరసిద్ధి వినాయక ఆలయంలో విశేష పూజలు నిర్వహించారు. ఆలయ అర్చకులు గుంటూరు లక్ష్మణశర్మ, రామారావుల ఆధ్వర్యంలో తొలుత స్వామివారికి పంచామృతాలతో అభిషేకించి, లక్ష్మీగణపతి హోమాన్ని జరిపారు. పెద్ద సంఖ్యలో భక్తులు పాల్గొని దర్శించుకున్నారు.
Updated Date - 2023-09-03T23:50:17+05:30 IST