జిల్లా అదనపు ఎస్పీగా అనిల్ బాధ్యతల స్వీకరణ
ABN, First Publish Date - 2023-05-31T22:40:01+05:30
జిల్లా అదనపు ఎస్పీ(అడ్మిన్)గా అనిల్ పులిపాటి బుధవారం బాధ్యతలు స్వీకరించారు. ఇక్కడ అదనపు ఎస్పీగా పని చేసిన తుహిన్సిన్హాను జిల్లా ఎస్పీగా నియమించడంతో ఆ పోస్టు ఖాళీ అయిన విషయం తెలిసిందే.
గతంలో చింతపల్లిలో డీఎస్పీగా పని చేసిన అనుభవం
మన్యంపై పూర్తి అవగాహన
పాడేరు, మే 31(ఆంధ్రజ్యోతి): జిల్లా అదనపు ఎస్పీ(అడ్మిన్)గా అనిల్ పులిపాటి బుధవారం బాధ్యతలు స్వీకరించారు. ఇక్కడ అదనపు ఎస్పీగా పని చేసిన తుహిన్సిన్హాను జిల్లా ఎస్పీగా నియమించడంతో ఆ పోస్టు ఖాళీ అయిన విషయం తెలిసిందే. కాగా గుంటూరు జిల్లా అదనపు ఎస్పీగా పని చేస్తున్న అనిల్ పులిపాటిని స్థానిక అదనపు ఎస్పీ(అడ్మిన్)గా ప్రభుత్వం నియమించింది. దీంతో ఆయన బుధవారం బాధ్యతలు స్వీకరించారు. గతంలో ఈయన చింతపల్లిలో డీఎస్పీగా పని చేశారు. అందువల్ల ఆయనకు మన్యంలో మావోయిస్టుల ప్రభావం, శాంతిభద్రతల సమస్యలు, తదితర వ్యవహారాలపై సంపూర్ణ అవగాహన ఉంది. అలాగే ఆయన కమ్యూనిటీ పోలీసింగ్లో భాగంగా అందరితో సన్నిహితంగా ఉండడంతో మన్యంలో ఆయనకు మంచి పోలీసు అధికారిగా ప్రత్యేక గుర్తింపు ఉంది. జిల్లాలో పోలీసుల సేవలను ప్రజలకు మరింత చేరువ చేసేందుకు కృషి చేస్తానని అనిల్ ఈ సందర్భంగా పేర్కొన్నారు.
Updated Date - 2023-05-31T22:40:01+05:30 IST