చింతాలమ్మ ఘాట్లో కూలిన భారీ వృక్షం
ABN, First Publish Date - 2023-06-26T01:13:39+05:30
చింతాలమ్మ ఘాట్ రోడ్డులో ఆదివారం ఉదయం భారీ చింతచెట్టు నేలకూలింది. దీంతో సుమారు నాలుగు గంటల సేపు రాకపోకలు నిలిచి పోయాయి. దీంతో వాహనచోదకులు, ప్రయాణికులు ఇబ్బంది పడ్డారు. శనివారం భారీ వర్షం కురవడంతో చింతాలమ్మ ఘాట్ రోడ్డు మూడవ మలుపు సమీపంలో రహదారికి ఆనుకుని ఉన్న భారీ చింతచెట్టు ఆదివారం ఉదయం 6.30 గంటలకు నేలకూలింది.
- నాలుగు గంటల పాటు నిలిచిపోయిన వాహనాల రాకపోకలు
- వాహనచోదకులు, ప్రయాణికుల ఇబ్బందులు
- చెట్టు తొలగించి రాకపోకలు పునరుద్ధరించిన పోలీసులు
కొయ్యూరు, జూన్ 25: చింతాలమ్మ ఘాట్ రోడ్డులో ఆదివారం ఉదయం భారీ చింతచెట్టు నేలకూలింది. దీంతో సుమారు నాలుగు గంటల సేపు రాకపోకలు నిలిచి పోయాయి. దీంతో వాహనచోదకులు, ప్రయాణికులు ఇబ్బంది పడ్డారు. శనివారం భారీ వర్షం కురవడంతో చింతాలమ్మ ఘాట్ రోడ్డు మూడవ మలుపు సమీపంలో రహదారికి ఆనుకుని ఉన్న భారీ చింతచెట్టు ఆదివారం ఉదయం 6.30 గంటలకు నేలకూలింది. దీంతో నర్సీపట్నం నుంచి కొయ్యూరు, ఏలేశ్వరం తదితర ప్రాంతాలకు వెళ్లే వాహనాల రాకపోకలు నిలిచిపోయాయి. విషయం తె లుసుకున్న కొయ్యూరు ఎస్ఐ రాజారావు తన సిబ్బందితో సంఘటన స్థలానికి చేరుకుని స్థానికులు, సిబ్బంది సహకారంతో చెట్టును తొలగించే చర్యలు చేపట్టారు. సుమారు నాలుగు గంటల పాటు శ్రమించి చెట్టును తొలగించి రాకపోకలు పునరుద్ధరించారు. జాతీయ రహదారి నిర్మాణ పనులకు వినియోగించే యంత్రాలను సంబంధిత కాంట్రాక్టరు సరఫరా చేయడంతో చెట్టు తొలగింపు త్వరితగతిన పూర్తయి రాకపోకలకు ఇబ్బందులు తొలిగాయి.
Updated Date - 2023-06-26T01:13:39+05:30 IST