ఓటమి ఎరుగని ఎద్దులు
ABN, First Publish Date - 2023-02-07T03:25:24+05:30
బండలాగుడు పోటీల్లో ఇప్పటి వరకు ఆ ఎద్దులు ఓటమినే ఎరుగలేదంటే అతిశయోక్తి కాదు.
12 సార్లు పోటీల్లో పాల్గొని విజయం సాధించిన వైనం
కోడుమూరు, పిబ్రవరి 6: బండలాగుడు పోటీల్లో ఇప్పటి వరకు ఆ ఎద్దులు ఓటమినే ఎరుగలేదంటే అతిశయోక్తి కాదు. సీనియర్స్‌ విభాగంలో 12 సార్లు బండలాగుడు పోటీల్లో పాల్గొనగా అన్ని సార్లు ప్రథమ స్థానంలో నిలిచి రికార్డు సృష్టించాయి. నంద్యాల జిల్లా పెద్దకొట్టాల గ్రామానికి చెందిన బోరెడ్డి కేశవరెడ్డి నెల రోజుల కిందట పల్నాడు జిల్లా ఈర్లపాడు గ్రామంలో రూ.54 లక్షలు పెట్టి ఎద్దులను కొనుగోలు చేశాడు. తెలుగు రాష్ట్రాల్లో నిర్వహించిన బండలాగుడు పోటీల్లో పాల్గొన్న ప్రతి సారి మొదటి బహుమతిని గెలుచుకుంటున్నాయి. ఇప్పటి వరకు 12 సార్లు పోటీల్లో పాల్గొన్నాయి. తన ఎద్దులను రూ.75 లక్షలకు అమ్మాలని చాలా మంది అడిగారని, ఇంత గౌరవాన్ని తెచ్చిన ఎద్దులను అమ్ముకోవడం తనకు ఇష్టం లేదని రైతు కేశవరెడ్డి తెలిపాడు.
Updated Date - 2023-02-07T03:25:25+05:30 IST