రోడ్లు లేవు.. కొళాయిల్లేవ్
ABN, First Publish Date - 2023-07-21T23:53:08+05:30
‘మా గ్రామానికి ఐదేళ్లుగా రోడ్డు లేదు. కనీస సౌకర్యాలు లేవు. మేము ఏం పాపం చేశామ’ని రావులవలస గ్రామస్థులు నిలదీశారు.
- మా గ్రామానికి ఇంతవరకూ ఎమ్మెల్యే రాలేదు
- ‘సురక్ష’లో రావులవలస గ్రామస్థుల నిలదీత
నరసన్నపేట, జూలై 21: ‘మా గ్రామానికి ఐదేళ్లుగా రోడ్డు లేదు. కనీస సౌకర్యాలు లేవు. మేము ఏం పాపం చేశామ’ని రావులవలస గ్రామస్థులు నిలదీశారు. శుక్రవారం రావులవలసలో నిర్వహించిన జగనన్న సురక్ష కార్యక్రమంలో అధికారులను ప్రశ్నించారు. గ్రామంలో రోడ్లు బాగోలేవని.. ఇంటింటా కొళాయిలు లేవని.. ప్రభుత్వ భవనాల నిర్మాణాలు పునాదులకే పరిమితమయ్యాయని గ్రామానికి చెందిన మడ్డు కృష్ణ ఆవేదన వ్యక్తం చేశారు. ఎమ్మెల్యే తమ గ్రామానికి ఇంతవరకూ రాలేదని.. తామేమి పాపం చేశామో చెప్పాలని మండలస్థాయి నాయకులను నిలదీశారు. రోడ్డు పనులు సగంలో ఎందుకు నిలిపేశారని డీఈఈ వెంకటరావును గ్రామస్థులు నిలదీశారు. ఎంపీపీ ఆరంగి మురళీధర్ మాట్లాడుతూ.. గ్రామ సమస్యలు ఎమ్మెల్యే కృష్ణదాస్ దృష్టిలో ఉన్నాయని తెలిపారు. అంచెలంచెలుగా గ్రామాలను అభివృద్ధి చేస్తామన్నారు. కార్యక్రమంలో చింతు రామారావు, ఏవో సునీత, డీటీ సరిత, ఐసీడీఎస్ పీవో నాగమణి పాల్గొన్నారు.
Updated Date - 2023-07-21T23:53:08+05:30 IST