నిండుకుండలా రామతీర్థం!
ABN, First Publish Date - 2023-03-30T23:25:46+05:30
ఒంగోలు నగరంతోపాటు పలు మండలాలకు తాగునీటి వనరైన రామతీర్థం జలాశయం జలకళను సంతరించుకుంది. గత కొన్నిరోజులుగా భారీగా వచ్చిన ఇన్‌ఫ్లోతో రిజర్వాయర్‌ గరిష్ఠ నీటిమట్టం 85.34 మీటర్లకు చేరుకుని నిండుకుండను తలపిస్తోంది. జలాశయం పూర్తిస్థాయిలో నిండి అలుగు ద్వారా జలాలు బయటకు వెళ్లటం విశేషం. ఇలా రామతీర్థం అలుగు పారటం జలాశయం నిర్మించిన తర్వాత ఇది మూడోసారి. ఇప్పటికే దాని పరిధిలోని తాగునీటి చెరువులు, ఒంగోలు, చీమకుర్తి సమ్మర్‌ స్టోరేజి ట్యాంకులకు పూర్తిస్థాయిలో నింపటంతో అవుట్‌ఫ్లోను నిలిపివేశారు. జలాశయంలో ఉన్న నిల్వతో వేసవిలో తాగునీటి కష్టాల నుంచి గట్టెక్కవచ్చని అధికారులు భావిస్తున్నారు.
వేసవికి తాగునీటి ఎద్దడి తప్పినట్లే..
చీమకుర్తి, మార్చి 30 : ఒంగోలు నగరంతోపాటు పలు మండలాలకు తాగునీటి వనరైన రామతీర్థం జలాశయం జలకళను సంతరించుకుంది. గత కొన్నిరోజులుగా భారీగా వచ్చిన ఇన్‌ఫ్లోతో రిజర్వాయర్‌ గరిష్ఠ నీటిమట్టం 85.34 మీటర్లకు చేరుకుని నిండుకుండను తలపిస్తోంది. జలాశయం పూర్తిస్థాయిలో నిండి అలుగు ద్వారా జలాలు బయటకు వెళ్లటం విశేషం. ఇలా రామతీర్థం అలుగు పారటం జలాశయం నిర్మించిన తర్వాత ఇది మూడోసారి. ఇప్పటికే దాని పరిధిలోని తాగునీటి చెరువులు, ఒంగోలు, చీమకుర్తి సమ్మర్‌ స్టోరేజి ట్యాంకులకు పూర్తిస్థాయిలో నింపటంతో అవుట్‌ఫ్లోను నిలిపివేశారు. జలాశయంలో ఉన్న నిల్వతో వేసవిలో తాగునీటి కష్టాల నుంచి గట్టెక్కవచ్చని అధికారులు భావిస్తున్నారు. గేట్లకు మరమ్మతులు చేపట్టకపోవటంతో అవి మూసివేసినా కొంతమేర లీకేజి రూపంలో వృథాగా దిగువకు వెళ్తున్నాయి. ఈ లీకేజి భారీగా లేకుండా అధికారులు తాత్కాలిక చర్యలు తీసుకున్నారు.
Updated Date - 2023-03-30T23:25:46+05:30 IST