జొన్నచొప్పకు మంచి గిరాకీ
ABN, First Publish Date - 2023-01-29T23:03:56+05:30
జమ్మలమడుగు మండలంలో ఈసారి వరిసాగు కంటే అధికంగా జొన్న, మొక్కజొన్న పంటలు సాగు చేశారు.
జమ్మలమడుగు, జనవరి 29: జమ్మలమడుగు మండలంలో ఈసారి వరిసాగు కంటే అధికంగా జొన్న, మొక్కజొన్న పంటలు సాగు చేశారు. గతంలో జమ్మలమడుగు మండలంలో పలు గ్రామాల్లో వరిసాగు అధికంగా సాగు చేసేవారు. అధిక వర్షాల వలన వరి పంట సాగు చేసే రైతులకు ధరలు పెరిగి గిట్టుబాటు లేక జొన్నపంట సాగు చేశారు. దీంతో పంట దిగుబడి వచ్చి సుమారు నెల రోజుల నుంచి జొన్న పంట కోత పెట్టారు. అలాగే జమ్మలమడుగు నియోజకవర్గంలోని పలు గ్రామాల నుంచి గొరిగెనూరు, ధర్మాపురం, సలివెందుల, దేవగుడి, సుగుమంచిపల్లె తదితర ప్రాంతాల నుంచి రైతులు జొన్నచొప్పను కొనుగోలు చేస్తున్నారు. ట్రాక్టర్ జొన్నచొప్ప (గడ్డి) రూ.9 వేల నుంచి రూ.10 వేల వరకు ఇంటికి చేరుకునేందుకు ఖర్చు అవుతోందని రైతులు తెలిపారు. అందులో భాగంగా రెండు రోజుల నుంచి జొన్నచొప్ప ట్రాక్టర్లు పట్టణంలో జోరుగా గ్రామాలకు తరలిస్తున్నారు.
Updated Date - 2023-01-29T23:04:11+05:30 IST