తెలంగాణలో ఉద్యోగ నోటిఫికేషన్లు ఏవి?: రేవంత్‌రెడ్డి
ABN, First Publish Date - 2022-02-17T22:53:28+05:30
తెలంగాణలో ఉద్యోగ నోటిఫికేషన్లు ఏవి? అని టీపీసీసీ అధ్యక్షడు రేవంత్‌రెడ్డి ప్రశ్నించారు. గురువారం ఆయన మీడియాతో మాట్లాడుతూ
హైదరాబాద్: తెలంగాణలో ఉద్యోగ నోటిఫికేషన్లు ఏవి? అని టీపీసీసీ అధ్యక్షడు రేవంత్‌రెడ్డి ప్రశ్నించారు. గురువారం ఆయన మీడియాతో మాట్లాడుతూ లక్షా 90 వేల ఖాళీలున్నా భర్తీ చేయడం లేదని తప్పుబట్టారు. ప్రభుత్వ తీరుతో నిరుద్యోగులు రోడ్డున పడుతున్నారని తెలిపారు. రాష్ట్ర సంపదను సీఎం కేసీఆర్ కొల్లగొట్టారని దుయ్యబట్టారు. ఓయూ విద్యార్థులు నిరుద్యోగ దినోత్సవం చేస్తే.. టీఆర్ఎస్ గూండాలు దాడి చేశారని తెలిపారు. డీజీపీ ఫోన్ ఎత్తడం లేదని, ఇంత బలుపు ఎందుకు? అని రేవంత్‌రెడ్డి ప్రశ్నించారు.
‘‘మేం తలుచుకుంటే మీరు రోడ్లపై తిరగలేరు. దరిద్రుడు సీఎం కావడం వల్లే నిరుద్యోగుల ఆత్మహత్యలు చేసుకుంటున్నారు. యువత ఆత్మహత్యలు చేసుకుంటుంటే మూడ్రోజుల వేడుకలు అవసరమా? ఎవరైనా చనిపోతే సంతాప దినాలు చేస్తారు. పుట్టినరోజుకు కాదు. కేసీఆర్‌ను రోడ్డు మీదకు లాగే వరకు విశ్రమించబోం. ఎంతమంది పోలీసులను పెట్టినా నిరసన తెలిపి తీరుతాం’’ అని రేవంత్‌రెడ్డి హెచ్చరించారు.
Updated Date - 2022-02-17T22:53:28+05:30 IST