టీఎస్ఆర్ జేసి-సెట్ దరఖాస్తుకు గడువు పొడిగింపు
ABN, First Publish Date - 2022-04-11T21:57:48+05:30
తెలంగాణ రాష్ట్ర గురుకుల(రెసిడెన్షియల్) జూనియర్ కాలేజీలలో 2022-23 విద్యాసంవత్సరానికి ఇంటర్మీడియట్ మొదటి సంవత్సరము( ఇంగ్లీష్ మీడియంలో ఎంపిసి, బిపిసి, ఎంఈసీ)లో 35 తెలంగాణ గురుకుల
హైదరాబాద్: తెలంగాణ రాష్ట్ర గురుకుల(రెసిడెన్షియల్) జూనియర్ కాలేజీలలో 2022-23 విద్యాసంవత్సరానికి ఇంటర్మీడియట్ మొదటి సంవత్సరము( ఇంగ్లీష్ మీడియంలో ఎంపిసి, బిపిసి, ఎంఈసీ)లో 35 తెలంగాణ గురుకుల జూనియర్ కాలేజీల్లో ప్రవేశం కొరకు మే 22వ తేదీన నిర్వహించే టీఎస్ఆర్ జేసీ-సెట్ 2022-23 ప్రవేశ పరీక్షకు మే 2022 ఎగ్జామ్స్ కు హాజరవుతున్న 10వ తరగతి విద్యార్ధుల నుంచి దరఖాస్తులు స్వీకరిస్తున్నారు.
కాగా ఇప్పటి వరకూ ఏప్రిల్ 11వ తేదీ వరకు గడువు విధించారు. కానీ విద్యార్ధులు, వారి తల్లిదండ్రుల కోరిక మేరకు దరఖాస్తు గడువును తేదీ ఏప్రిల్,30వ తేదీ వరకు పొడిగించినట్టు తెలంగాణ గురుకుల విద్యాలయాల సంస్ధ ఒక ప్రకటనలో తెలిపింది. 2021-22 సంవత్సరంలో పదవ తరగతి చదువుతున్న విద్యార్ధులుకూడా ఈ అవకాశాన్ని సద్వినియోగం చేసుకోవాలని అధికారులు సూచించారు.
Updated Date - 2022-04-11T21:57:48+05:30 IST