బండి సంజయ్ బెయిల్ పిటిషన్ తిరస్కరణ
ABN, First Publish Date - 2022-01-03T20:40:30+05:30
బీజేపీ నేత బండి సంజయ్ బెయిల్ పిటిషన్‌ను న్యాయమూర్తి తిరస్కరించారు. బండి సంజయ్‌కి బెయిల్ ఇచ్చేందుకు
కరీంనగర్: బీజేపీ నేత బండి సంజయ్ బెయిల్ పిటిషన్‌ను న్యాయమూర్తి తిరస్కరించారు. బండి సంజయ్‌కి బెయిల్ ఇచ్చేందుకు కరీంనగర్ కోర్టు నిరాకరించింది. బెయిల్ పిటిషన్‌పై విచారణ జరిపిన న్యాయమూర్తి, బండి సంజయ్‌కి 14 రోజుల జ్యూడీషియల్ రిమాండ్ విధించారు. దీంతో ఆయనను కరీంనగర్ జైలుకు తరలించారు. బండి సంజయ్‌పై కరీంనగర్ టూటౌన్ పోలీస్‌స్టేషన్‌లో కేసు నమోదు చేశారు. కోవిడ్ నిబంధనల ఉల్లంఘన, పోలీసుల విధులకు ఆటంకం కలిగించడంపై బండి సంజయ్ సహా మొత్తం 12 మందిపై కేసులు నమోదు అయ్యాయి. ప్రభుత్వ ఉద్యోగ, ఉపాధ్యాయుల బదిలీల కోసం సర్కారు జారీ చేసిన జీవో 317ను సవరించాలనే డిమాండ్‌తో జిల్లాలోని ఎంపీ క్యాంప్ కార్యాలయంలో బండి సంజయ్ చేపట్టిన జాగరణ దీక్షను పోలీసులు భగ్నం చేసి.. అరెస్ట్ చేశారు.
Updated Date - 2022-01-03T20:40:30+05:30 IST