బంగాళాఖాతంలో అల్పపీడనం
ABN, First Publish Date - 2022-10-05T09:45:08+05:30
తెలంగాణలో బుధ, గురువారాల్లో అక్కడక్కడ భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం హెచ్చరించింది.
నేడు, రేపు భారీ వర్షాలు
హైదరాబాద్‌, అక్టోబరు 4 (ఆంధ్రజ్యోతి) : తెలంగాణలో బుధ, గురువారాల్లో అక్కడక్కడ భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం హెచ్చరించింది. పశ్చిమ మధ్య బంగాళాఖాతంలో ఏర్పడిన అల్ప పీడనం ప్రభావంతో వర్షాలు కురిసే అవకాశం ఉందని వాతావరణ కేంద్రం డైరెక్టర్‌ నాగరత్న తెలిపారు. బుధవారం నల్గొండ, సూర్యాపేట, ఖమ్మం, నాగర్‌ కర్నూల్‌, హైదరాబాద్‌, మెదక్‌ జిల్లాల్లో భారీ వర్షాలు కురిసే అవకాశం ఉందని ఆమె వెల్లడించారు. గురువారం ఉమ్మడి వరంగల్‌, ఆదిలాబాద్‌, నిజామాబాద్‌, కరీంనగర్‌ జిల్లాల్లో వర్షాలు కురిసే అవకాశం ఉందని తెలిపారు. హైదరాబాద్‌ నగరంలో గురు, శుక్రవారాల్లో సాయంత్రం పూట వర్షాలు పడే అవకాశం ఉన్నట్లు వెల్లడించారు.
Updated Date - 2022-10-05T09:45:08+05:30 IST