కాంగ్రెస్‌ నాయకుల అరెస్టు అప్రజాస్వామికం
ABN, First Publish Date - 2022-01-23T04:04:41+05:30
బెజ్జంకి మండలంలో మంత్రి హరీశ్‌రావు పర్యటన సందర్భంగా కాంగ్రెస్‌ మండల నాయకులను అరెస్టు చేయడం అప్రజాస్వామికమని పీసీసీ మాజీ భూ కమిటీ సభ్యుడు జంగిటి శ్రీనివాస్‌ అన్నారు.
పీసీసీ మాజీ భూ కమిటీ సభ్యుడు శ్రీనివాస్‌
చిన్నకోడూరు, జనవరి 22 : బెజ్జంకి మండలంలో మంత్రి హరీశ్‌రావు పర్యటన సందర్భంగా కాంగ్రెస్‌ మండల నాయకులను అరెస్టు చేయడం అప్రజాస్వామికమని పీసీసీ మాజీ భూ కమిటీ సభ్యుడు జంగిటి శ్రీనివాస్‌ అన్నారు. శనివారం కాంగ్రెస్‌ నాయకులను అరెస్టు చేసి చిన్నకోడూరు పోలీ్‌సస్టేషన్‌కు తరలించగా.. వారికి సంఘీభావం తెలిపారు. ఈ కార్యక్రమంలో కాంగ్రెస్‌ మండలాధ్యక్షుడు గణేష్‌, ఎస్సీ సెల్‌ జిల్లా కార్యదర్శి కనకరాజు, నాయకులు మధు, బాల్‌రాజ్‌ పాల్గొన్నారు. మంత్రి హరీశ్‌రావు పర్యటన సందర్భంగా బీజేపీ బెజ్జంకి మండల నాయకులను అక్రమంగా అరెస్టు చేయడం సరికాదని బీజేపీ చిన్నకోడూరు మండలాధ్యక్షుడు పిట్ల పరశురాములు అన్నారు. శనివారం బెజ్జంకి మండల బీజేపీ నాయకులను అరెస్టు చేసి చిన్నకోడూరు పోలీ్‌సస్టేషన్‌కు తరలించగా వారికి సంఘీభావం తెలిపి మాట్లాడారు. ఈ కార్యక్రమంలో బీజేపీ జిల్లా అధికార ప్రతినిధి భూమేష్‌, మండల ఉపాధ్యక్షుడు శంకర్‌బాబు, బీజేవైఎం మండల ఉపాధ్యక్షుడు రవీందర్‌, అరెస్టైనవారిలో కిసాన్‌ మోర్చా జిల్లా అధ్యక్షుడు రాజు, బెజ్జంకి మండల ఉపాధ్యక్షుడు రాజు, బీజెవైం మండలాధ్యక్షుడు రమేశ్‌, నాయకులు రవి, వెంకటేశ్‌ ఉన్నారు.
Updated Date - 2022-01-23T04:04:41+05:30 IST