ఎమ్మెల్యే ముత్తిరెడ్డికి మునుగోడు ఉప ఎన్నికల బాధ్యతలు
ABN, First Publish Date - 2022-10-07T04:45:55+05:30
మునుగోడు ఉపఎన్నిక నేపథ్యంలో జనగామ ఎమ్మెల్యే ముత్తిరెడ్డి యాదగిరిరెడ్డికి పార్టీ అధిష్టానం పెద్దాపురం పరిధిలోని ఇన్‌చార్జి బాధ్యతలను అప్పగించింది.
చేర్యాల, అక్టోబరు 6: మునుగోడు ఉపఎన్నిక నేపథ్యంలో జనగామ ఎమ్మెల్యే ముత్తిరెడ్డి యాదగిరిరెడ్డికి పార్టీ అధిష్టానం పెద్దాపురం పరిధిలోని ఇన్‌చార్జి బాధ్యతలను అప్పగించింది. గురువారం ఎమ్మెల్యే క్యాంపు కార్యాలయంలో చేర్యాల కొమురవెల్లి మండలాల ముఖ్య నాయకులతో ప్రత్యేక సమావేశమయ్యారు. ఎన్నికల ప్రచారం, పోలింగ్‌ ఇతరత్రా కార్యక్రమాల నిర్వహణకు అనుసరించాల్సిన కార్యాచరణపై పలు సూచనలు చేశారు. ఈ కార్యక్రమంలో మునిసిపల్‌ చైర్‌పర్సన్‌ అంకుగారి స్వరూపరాణి, వైస్‌ చైర్మన్‌ నిమ్మ రాజీవ్‌రెడ్డి, మార్కెట్‌ వైస్‌ చైర్మన్‌ పుర్మ వెంకట్‌రెడ్డి, ఎంపీపీ వుల్లంపల్లి కరుణాకర్‌, యూత్‌ విభాగం నాలుగు మండలాల అధ్యక్షుడు శివగారి అంజయ్య తదితరులు పాల్గొన్నారు.
Updated Date - 2022-10-07T04:45:55+05:30 IST